Qazaqstanda “Sypaiy adamdar” belgısı jabystyrylǧan kölık paida boldy. Būl turaly äleumettık jelıde suretter jariialanuda, dep habarlaidy “Adyrna” ūlttyq portaly.
Jelıde jariialanǧan surette Qazaqstan nömırıne tırkelgen Chevrolet avtokölıgınıŋ artyna “Sypaiy adamdar” belgısı jabystyrylǧan.
Jelı qoldanuşysy būl kölıktı Almaty köşelerınde körgenın aitady.
«Qaldaiaqov köşesınıŋ boiynda Bögenbai batyr köşesıne jetpei bır aialdama artyna kölık toqtap qaldy. Mäsele mynada, mūndai japsyrmalardy kölıkterge japsyruǧa bola ma? Eger iä nemese tyiym salynbaǧan bolsa, onda ūqsas jergılıktı stikerlerdı şyǧaru jäne taratu turaly köptegen ideia bar. Olai bolmasa, osy kölık iesınıŋ jauapqa tartyluyn sūraimyn.
Mūndai japsyrmalar Reseide Don jäne Lugansk oblystaryn basyp alǧannan keiın japsyra bastady.
«Sypaiy adamdar» dep Ukraina territoriiasyn anneksiialau üşın soǧys qimyldaryna qatysqan jauyngerlerdı aitamyz. Iаǧni, tura maǧynasynda olar basqa memlekettıŋ basyp alǧany turaly aşyq aituǧa itermeleidı. Halyq būl adamdardy separatizm sözınen şyqqagn «separnia» sözımen ataidy. Aityŋyzşy, būl jerde ekstremizmnıŋ belgılerı bar ma, joq pa?” dep jazdy jelı qoldanuşysy.
Aita keteiık, «Sypaiy adamdar» 2014 jyly nauryzda Qyrymda bolǧan «Qyrym köktemı» dep atalatyn oqiǧalardan keiın qoldanysqa engen tūraqty söz tırkesı. Būl termin osy uaqytta aimaqta belsendı jūmys ısteitın taŋbalanbaǧan formadaǧy äskeri qyzmetkerlerge qatysty boldy.
Olardyŋ kiımınde eşqandai erekşe belgıler bolmaǧan, sol sebeptı olarǧa «jasyl adamdar» jäne «olar ol jaqta joq» terminderı qoldanyldy, bıraq «sypaiy adamdar» tırkesı propagandaşylar arasynda da, halyq arasyna da sıŋıp kettı.
