Qasym-Jomart Toqaevtyŋ tapsyrmasy boiynşa köpbalaly otbasydan jäne atauly äleumettık kömek körsetıletın otbasydan şyqqan balalarǧa qosymşa bes myŋ bılım granty bölındı, - dep habarlaidy adyrna.kz tılşısı tengrinews.kz saityna sılteme jasap.
Ministrlıktıŋ mälımetınşe, būl granttardy jergılıktı atqaruşy organdar konkurs negızınde beredı. Būl üşın oblys, respublikalyq maŋyzy bar qalalar men astana äkımderımen konkurstyq komissiialar qūrylady. "Körsetılgen granttarǧa köpbalaly otbasydan şyqqan nemese atauly äleumettık kömek körsetıletın otbasydan şyqqan balalar ümıtker bola alady. Konkursqa qatysu üşın 2019 jylǧy mausym aiynda ötkızılgen ŪBT-dan şektı ball jinau - konkurstyŋ negızgı şarty. Ūlttyq joǧary oqu oryndaryna tüsu üşın ūlttyq bıryŋǧai testıleu nätijesı boiynşa kemınde 65 ball, basqa joǧary oqu oryndaryna kemınde 50 ball, "pedagogikalyq ǧylym" baǧyty boiynşa kemınde 60 ball jinau kerek", - delıngen ministrlıktıŋ habarlamasynda. Konkursqa qūjattar 5 men 10 tamyz aralyǧynda qabyldanady. Bılım granttaryn taǧaiyndau jäne jdoǧary oqu oryndaryna qabyldau 25 tamyzǧa deiın jürgızıledı. Konkursqa qatysu üşın qūjattar tızımı: 1) belgılengen ülgıdegı blankıde ötınış; 2) bılımı turaly qūjat (qūjattardy qabyldau komissiiasyna tapsyrǧan kezınde tüpnūsqa); 3) ŪBT sertifikaty; 4) 086-U nysany boiynşa medisinalyq anyqtama; 5) jeke basyn kuälandyratyn qūjattyŋ köşırmesı. Sondai-aq, balalardyŋ köpbalaly otbasynan şyqqan nemese atauly äleumettık kömek körsetıletın otbasy qatarynan ekendıgın rastaityn qūjattar körsetıluı kerek. 2019 jylǧy bılım granty iegerlerınıŋ tızımı şyqty Aita keteiık, 2019-2020 oqu jylyna 53 785 grant berıldı. Memlekettık tapsyrystyŋ 47 paiyzdan köbı injener, öŋdeu jäne qūrylys salalary men IT-tehnologiiaǧa qarastyrylǧan. 8276 grant - pedagogika ǧylymyna, 4088 - grant jaratylystanu ǧylymy matematika men statistikaǧa, 2200 grant - qyzmet körsetu mamandyqtaryna, 1615 grant - öner men gumanitarlyq ǧylymdarǧa, 2435 grant - auyl şaruaşylyǧy men veterinariiaǧa, 2183 grant äleumettık ǧylym, biznes pen ekonomikaǧa berıldı.
"Adyrna" ūlttyq portaly
