Özbekstandaǧy QR Tötenşe jäne ökılettı elşısı Beibıt Atamqūlov Özbekstan men Qazaqstan arasyndaǧy eŋbek migrasiiasynyŋ mäselelerın atady, dep habarlaidy “Adyrna” ūlttyq portaly Kazinform-ǧa sıltep.
Qazaqstan-Özbek ıskerlık keŋesınıŋ jiynynda söz alǧan diplomat ekı eldıŋ bilıgıne aradaǧy barys-kelıstı jeŋıldetudı ūsyndy.
«IT-sektordan maşina qūrastyruǧa deiıngı joǧary bılıktılıktı qajet etetın türlı salalarda jūmys küşı men mamandar tartu ekı aradaǧy ärıptestıktıŋ maŋyzdy qyry bolyp esepteledı. Bızge jūmys ısteuge rūqsat beru üderısterın, özge de äkımşılık retteu tetıkterın jeŋıldetıp, ekı eldıŋ de azamattaryna bırdei mümkındık ūsynu qajet. Mūndai täsıl jūmys küşı men käsıpkerlerdıŋ qozǧalysyn jeŋıldetıp qana qoimai, täjıribe, bılım, tehnologiia almasuǧa qolaily jaǧdai tuǧyzady», - dedı ol.
Elşı būǧan deiın Qazaqstanǧa jūmys ızdep aǧylǧan özbek aǧaiyndar köp bolsa, qazır Özbekstanǧa jūmys ızdep baratyn qazaqstandyqtardyŋ sany artyp kele jatqanyn aitady.
«Men Taşkentte jürgende ylǧi köremın, bügınde Özbekstan ekonomikasynyŋ türlı salasynda qazaqstandyq mamandar qatty sūranysqa ie. Negızınen būl jeke sektor, biznes. IT-saladan bastap ırı metallurgiialyq käsıporyndarda, sement öndırısı men qarjy sektorynda qazaqstandyq top-menedjerler men orta buyndy menedjerler öte köp. Ekıjaqty qozǧalys dep otyrǧanym sol. Qazır tek özbekstandyqtar ǧana Qazaqstanǧa aǧylyp jatqan joq. Özbekstanǧa aǧylyp jatqan qazaqstandyq mamandardyŋ da ülken aǧynyn baiqap otyrmyz. Onyŋ ışınde ırı käsıporyndarda tiıstı bılıktılık alǧan qarapaiym jūmysşylar da bar», - dedı Beibıt Atamqūlov.
Ūqsas jaŋalyqtar
