«Salımbaı» nemese «Salımboıvachcha» degen atpen tanymal Tashkenttik kásipker Salım Abdývalıev zańsyz qarý saqtaǵany úshin kúdikti retinde ustaldy. Bul týraly Ózbekstan astanasynyń Ishki ister bas basqarmasynyń (IIB) baspasóz qyzmeti málimdedi, dep habarlaıdy «Adyrna» ulttyq portaly Fergana news portalyna silteme jasap.
73 jastaǵy kásipker Ózbekstan Respýblıkalyq Qylmystyq kodeksiniń 248-babynyń 1-bóliginde («atys qarýyn zańsyz saqtaý») kózdelgen qylmysty jasady degen kúdikpen is júrgizý tártibimen ustaldy.
Ortalyq ishki ister basqarmasy istiń basqa jaı-japsaryn jáne Abdývalıevke qandaı shara taǵaıyndalǵanyn naqtylamady.
Aıta keteıik, birneshe kún buryn keıbir BAQ Abdývalıevtiń ustalǵany týraly habarlaǵan bolatyn. Alaıda Tashkenttiń quqyq qorǵaý organdary bul aqparatqa qatysty túsinikteme bermegen.
Odan bólek, «Saııdazız medgorodok» laqap aty bar Saıdazız Saıdalıev, sondaı-aq «Bahtı Tashkentskıı» degen atpen tanymal Bahtııor Kýdratıllaev esirtki saqtady degen aıyppen ustalǵan.
Sonymen qatar Tashkent IIB taǵy on adamnyń ustalǵany týraly habarlady. Olardyń barlyǵy bopsalaý nemese buzaqylyq týraly baptar boıynsha qylmystyq iske kúdikti retinde tartyldy.
Salım Abdývalıev – eń tanymal meenattardyń biri. Ol qylmystyq álemniń ókili bolyp sanalady, mysaly, birneshe jyl buryn AQSh-tyń Ózbekstandaǵy elshisi óziniń dıplomatııalyq hattarynda ony «ózbek mafııasynyń basshysy» dep ataǵan. Kásipker Ózbekstannyń Kúres qaýymdastyǵyn basqarady, sonymen qatar eldiń Ulttyq Olımpıada komıteti tóraǵasynyń orynbasary. 2015 jyly Abdývalıev «Dýstlık» ordenimen marapattalsa, 2021 jyly «Eńbek sińirgen sport jattyqtyrýshysy» ataǵyn aldy.
«Adyrna» ulttyq portaly
