Parijdegı Jazǧy oiyndar olimpiadasy märesıne jaqyndap qaldy. Elden barǧan sportşylardyŋ osy jolǧy jäne aldyŋǧy Olimpiadadaǧy jetıstıgı men jeŋısı qandai bolǧan edı?
Endı bırer künde Olimpiada da aiaqtalmaq. Janküierın bır küiıntıp, bır süiıntken Qazaqstan sportşylarynyŋ betalysy komandalyq tūrǧydan alǧanda asa maqtaityndai emes.
PARİJ PEŞENESI
Tört jylda bır ötetın Olimpiada bäige dziudoşy Eldos Smetovtıŋ altynǧa qol jetkızuımen, Ǧūsman Qyrǧyzbaevtyŋ - qola, nysana közdeuden İslam Sätpaev pen Aleksandra Le ekeuı qola medal enşıleuımen bastalǧany äuelde quantqan. Äielder qūramasynan boksşy Nazym Qyzaibai 50 kelı salmaqta älem chempiony, Aziia oiyndary jeŋımpazy Vu Iýden desı basym bola almaǧannan jäne şalt qimyl jetıspegennen qolany alqa qylsa, otandasymyz Nūrbek Oralbai alǧaşqy Olimpiadasynda-aq aqtyq kezeŋge deiın ötıp, ukrainalyq Aleksandr Hijniakqa tym-tym aŋǧarympazdyǧynan ärı qarsylasy lypylynan kümıs iegerı atandy. Grek-rim küresınen Demeu Jadyraevtyŋ kümıs medal ielendı. Şeşuşı bäsekede 77 kelı salmaq därejesınde qazaqstandyq paluan japoniialyq Nao Kusakadan ūpai jaǧynan alǧa ozǧanmen, soŋyna qarai äkkı bäsekeles täsılqoilyǧy men qorǧanysy arqasynda ūtys sonykı ekenın aiqyn bıldırgendei.ALDYŊǦY OLİMPİADA OIYNDARYNDA QALAI BOLDY?
2016 jyly Rio-de-Janeiroda 69 kelı salmaqta Daniiar Eleusın esımdı azamat qorjynymyzǧa altyn medal qosqany bar-dy. Taǧy bır sportşymyz Ädılbek Niiazymbetov 81 kelı salmaqta kubalyq Hulio Sesaru La Krusqa 0:3 esebımen ese jıberıp, 2011 jäne 2013-jyldardaǧy älem chempionaty finalynan bergı üşınşı kezdesuı kümıs jülde ūtuymen aiaqtaldy. Küres barysynda Hulio tıpten jerge sūlap ta tüstı, äitkenmen töreşıler būny nokdaun dep eseptemedı. Ädılbek qanşa keremettei ädıs qoldanǧanmen, 1 ūpai aŋsary auǧan jeŋısten aiyryp tūrdy-aq. 2020-şy jylǧy Olimpiada Qazaqstan ūlttyq qūramasy üşın asa önıktı boldy dep aita qoimaspyz. Bokstan da, öŋge sport türlerınen de sol uaqta būiyryp tūrǧany qola medal edı. Mäselen, Qamşybek Qoŋqabaev deitın boksşymyz 91 kelı salmaqta amerikalyq Richard Torrezben bylǧary qolǧap tüiıstırıp, ekınşı raundta qazylar sportşymyzdy bırer ūpaidan aiyryp, soŋyna taman nokdaunǧa ketkenı bar-dy. Üşınşı raundta Qamşybek tym auyr soqqy aluy saldarynan jekpe-jektı toqtatyp, aqtyq kezeŋge ötpei qalady. Säken Bibosynovqa kelsek, 52 kelı salmaqta öner körsetken boksşymyz britaniialyq Galal Iаfaidan jeŋılıp, finalǧa şyǧa almap edı. Alǧaşqy raundta Säken qarsylas soqqysyn aŋdap ülgermei, nokautqa kete jazdady-aq. Sodan ba eken, otyrǧan töreşıler öz dauysyn Galalǧa bergenı. Ekınşı raundta sportşymyz boi-oiyn jiyp, 3:2 esebımen bärın qalypqa keltırgenmen, soǧan qaramastan üşınşısınde qazylar britaniialyq boksşyny jeŋımpaz dep tanidy. Biydǧy Parijdegı Olimpiada oiyndary janküier bıtkennıŋ jan-jüregın dırıldetıp te atqaqtatyp jatqany ras-aq. Äigı käsıbi boksşy Mūhammed Äli aitqandai «Chempion sport zalynan önıp şyqpaidy. Chempiondy ışkı dünienıŋ tereŋ qatparyndaǧy tılek, arman, közqaras tuyndatady».Arujan Aǧybaeva
Äl-Farabi atyndaǧy QazŪU
jurnalistika fakultetı
4 kurs studentı
Ūqsas jaŋalyqtar
