Almaty oblysynda ūlttyq sport türlerınen 1607 seksiia jūmys jasaidy. Onda 55 myŋnan astam adam atalǧan sport türımen jüielı türde şūǧyldanady. Būl öz kezegınde oblys äkımdıgınıŋ tarapynan körsetılıp jatqan qoldaudyŋ nätijesı.
Bügınde Jetısu jerınde, ūlttyq sport türlerınen «Saiat», «Sonar» halyqaralyq jarysy, ūlttyq at sporty türlerınen «Jetısu jüirıgı», «Jetısu börısı», «Altyn saqa» «Aqbidai» auyl oiyndary syndy ırı jarystary ūdaiy ūiymdastyrylady.
Aimaqta ūlttyq sportty damytu jūmystary qarqyndy. Aitalyq, qazırde Taldyqorǧan qalasynda jäne Qarasai audanynda ūlttyq jäne at sporty türlerınen mamandandyrylǧan balalar men jasöspırımder sport mektebı jäne Talǧar audanynda ūlttyq jäne at sport türlerınen ortalyǧy, Qapşaǧai qalasynda at sporty mektebı jūmys jasauda.
Būl qatarda tehnikalyq sporttyŋ da kenjelep qalmaǧanyn atap ötken jön. Öŋırde 250 adam tehnikalyq sport türımen ainalysady. Oǧan paraşiuttyq, avtomobildık, motosikldık, jelkendı sport jäne baidarka men kanoedan esu türlerı kıredı.
«Ūlttyq sportty damytu – jas buynnyŋ tarihi sanasyn jaŋǧyrtudyŋ bır joly. Barşaǧa belgılı, tarihi sana qalyptaspai, otanşyldyq sana ornyqpaidy. Al tarihi sananyŋ tūǧyry qaşanda ūlttyq bolmystan.Aldaǧy uaqytta da mädenietımız ben qūndylyqtarymyzdyŋ bır bölşegı bolyp tabylatyn ūlttyq sport mäselesın kötere otyryp, oblysta būqaralyq sportty jäne balalar sportyn damytatyn bolamyz»,-deidı Almaty oblysy dene şynyqtyru jäne sport basqarmasynyŋ basşysy Nūrbaqyt Teŋızbaev.
Jerlester sporttyŋ qai baǧytynda bolmasyn jüzden jüirık. Onyŋ aiqyn dälelı, aǧymdaǧy jyly sportşylar QR chempionattarynda 10 altyn, 15 kümıs jäne 12 qola medaldı qanjyǧalaryna bailaǧany. Jıgerı myqty oǧlandar jarap tūr. Olar üstımızdegı jyldyŋ 23 şılde – 8 tamyz aralyǧynda ötetın Tokiodaǧy XXXII jazǧy Olimpiada oiyndaryna 9 bırdei joldamany ūtyp aldy. Sonymen qatar tas joldaǧy velosport, jeŋıl atletika (iadro laqtyru), auyr atletika jäne jüzu sport türlerınen 4 sportşy joldama ielenuge ümıtker bolyp tabylady.
Sondai-aq, Nūrbaqyt Teŋızbaev «Būqaralyq jäne balalar sportyn damytu maqsatynda Almaty oblysynda aǧymdaǧy jyly jan basyna şaqqandaǧy qarjylandyru mehanizmın ıske asyru barysynda sporttyq seksiialarda 6000 balany qamtu josparlanyp, jūmysty bastauǧa jergılıktı biudjetten 250 mln.teŋge qarajat bölındı»,- dep atap öttı.
Qaperlerıŋızge salamyz, 2021 jyly memlekettık sporttyq tapsyrys aiasynda qamtylatyndar sanyn 20 000 balaǧa deiın arttyru közdelıp, atalǧan maqsatqa qosymşa 1,4 mlrd.teŋge qarajat bölu boiynşa biudjettık ötınım ūsynyldy.
Ūqsas jaŋalyqtar
