Qaraǧandyda öz balalaryn öltırdı dep aiyptalǧan 21 jastaǧy kelınşekke sot ükımı şyqty. Anasynyŋ qolynan qaza tapqan qyzdary 2 jäne 4 jasta bolǧan, - dep habarlaidy "Adyrna" ūlttyq portaly.
Qylmys aǧymdaǧy jyldyŋ säuır aiynda bolǧan. Sot anyqtaǧandai, aiyptaluşy üş kışkentai qyzymen bırge Qaraǧandy oblysy, Būqar jyrau audanyndaǧy auyldardyŋ bırınde jūbymen bırge tūrǧan. Bır künı er adam äiel men balalardy üige qamap, jūmysqa ketıp qaldy.
Aiyptau qorytyndysy boiynşa, jas kelınşek aqşanyŋ, tamaqtyŋ joqtyǧynan jäne balalarynyŋ ünemı jylauynan küizelıske tüsken. Al ony syrttan qamap ketkenı, jyǧylǧan üstıne jūdyryq bolyp tiedı. Balalardyŋ kezektı aiqaiynan keiın ol ülken qyzdaryn tösekke jatqyzyp, körpemen basyp, buyndyryp öltırdı.
Sottaluşy öz kınäsın ışınara ǧana moiyndady. Ol balalardy öltıru nietı joq ekenın, tek olardy azdap tynyştandyrudy qalaǧanyn aitty. Sottaluşynyŋ advokaty ony Qazaqstan Respublikasy Qylmystyq kodeksınıŋ 99-babynyŋ 3-bölıgı «Kämeletke tolmaǧandardy öltıru» boiynşa «Abaisyzda ekı adamnyŋ ölımıne äkep soǧu» 104-babynyŋ 2-bölıgıne qaita därejeleudı sūrady.
Is boiynşa jinalǧan barlyq materialdar men däleldemelerdı zerdelei kele, Qaraǧandy oblysynyŋ soty sottaluşyny jas balalardy öltırgenı üşın kınälı dep tanyp, 20 jylǧa bas bostandyǧynan aiyru jazasyn qataŋ tärtıptegı qylmystyq-atqaru jüiesınde öteuge taǧaiyndady.
«Sottaluşyǧa taǧaiyndalǧan baptyŋ sanksiiasynda jaza taǧaiyndau kezınde 20 jylǧa bas bostandyǧynan aiyru nemese ömır boiyna bas bostandyǧynan aiyru jazasy qarastyrylǧan. Qylmystyq kodekstıŋ 46-babyna säikes ömır boiyna bas bostandyǧynan aiyru ükımı zaŋdy küşıne engen joq», - dep habarlady Qaraǧandy oblysy TJD baspasöz qyzmetı.
Aita keteiık, sottaluşynyŋ üş qyzy bolǧan, kışısı qylmys jasaǧan kezde alty ailyq bolǧan. Anasy ūstalǧan soŋ säbi balalar üiıne jıberıldı.
Eske sala keteiık, būǧan deiın Qaraǧandy oblysynyŋ tūrǧyny kışkentai balalaryn tamaq sūrai bergen soŋ tūnşyqtyryp öltırgenı habarlanǧan bolatyn. Balalardy tūnşyqtyryp öltırgen äiel özınıŋ serıktesın keşke deiın kütkenı habarlandy. Polisiia şaqyrǧan sol serıktesı bolatyn.
Ūqsas jaŋalyqtar
