2019 jyly tamyz aiynda "Qazaqstan Respublikasyndaǧy laŋkestık jäne ekstremizm mäselelerın zertteu ortalyǧynyŋ" ūiymdastyruymen Almaty qalasynyŋ bazarlarynda, atap aitqanda Baisat, Jetısu, Iаlian, Tastaq, Salamat, Kenjehan sauda ortalyqtarynda dıni qatynastar jäne dıni ekstremizm men terrorizmge qarsy tūru salasynda zaŋnamalyq normalardy tüsındıru jūmystary öttı.
Būl kezdesulerdıŋ maqsaty - qala tūrǧyndaryna dıni qatynastar salasyndaǧy zaŋnamalar normalaryn tüsındıru jäne dıni ekstremizm men terrorizmge qarsy tūru qajettılıgın tūrǧyndarmen talqylau. Kezdesu barysynda ekstremizmge qarsy tūruǧa baǧyttalǧan Qazaqstan Respublikasynyŋ zaŋnamalyq aktılerındegı özgerısterge bailanysty mäseleler talqylandy. Dıni ūiymdar qyzmetı, olardyŋ memleketpen qarym-qatynasy, dınşıl jäne dınge senbeitın adamdardyŋ qūqyqtary turaly qatysuşylardy qyzyqtyrǧan sūraqtar boiynşa keŋes berıldı. Is-şaraǧa qatysqandardyŋ barlyǧyna qazaq jäne orys tılderındegı ülestırmelık materialdar taratyldy
«Almaty ülken megapolis, mūnda neşe türlı adamdar keledı. Halyq köp jüretın jer - bazarlar men sauda ortalyqtary. Sondyqtan, josparly şaramyzdy osy jerlerde ötkızudı ūiǧardyq. Halyqqa ekstremizm men terrorizm qaupın barynşa tüsındırdık. Jat aǧymdaǧy adamdarǧa aldanyp qalmaudyŋ jolyn, dınşıl jäne dınge senbeitın adamdardyŋ qūqyqtary turaly aittyq», - deidı äl-Farabi atyndaǧy QazŪU magistrı Nūrlan Orynbekov
Spikerler ekstremizm men laŋkestıkke qarsy memlekettık aqparattyq saiasattyŋ negızgı aspektılerı turaly, destruktivtı dınderdıŋ jäne jalǧan dıni ūiymdardyŋ taraluynyŋ aldyn alu jönınde turaly äŋgımeledı. Is-şaraǧa qatysuşylar talqylanǧan mäseleler boiynşa öz közqarastaryn aşyq bıldırdı. Olardyŋ bızdıŋ qoǧamymyzdyŋ qūndylyqtarynyŋ myzǧymastyǧynyŋ negızı bızdıŋ saqtauymyzdy jäne nyǧaita tüsuımızdı qajet etetın beibıtşılık pen kelısım ekendıgı jönındegı pıkırlerı bır arnaǧa toǧysyp jatty.
Karlygaş Kasainova
Qazaqstan Respublikasyndaǧy laŋkestık jäne ekstremizm mäselelerın zertteu ortalyǧynyŋ bas mamany
