Mäjılıs deputaty Ermūrat Bäpi Qairat Satybaldynyŋ aktivterı qaitarylyp jatqany turaly aqparǧa kümänmen qaraitynyn mälımdedı, dep habarlaidy «Adyrna» tılşısı.
«Ony şartty türde merzımınen būryn bosatuǧa daiyndap jatyr ma, älde taza raqymşylyq jasai ma? Ūrlanǧan aktivterdı öz erkımen qaitarǧany jaqsy. Alaida körsetılgen sol somalardyŋ el qazynasyna tüsıp jatqany qanşalyqty ras? Körsetılgen resmi sandarǧa senemız be, älde senbeimız be, ony tek boljau ǧana qaldy. Sebebı qaitarylǧan aktivter jinaqtalatyn 100% ükımettık kompaniiaǧa qoǧamdyq baqylau jürgızılmeidı», - dedı ol.
Eske salaiyq, soŋǧy kezderı eks-prezident Nūrsūltan Nazarbaevtyŋ nemere ınısı Qairat Satybaldynyŋ aktivterdı qaitaryp jatqany jaily habar jiılegen bolatyn. Bügın Bas prokuraturanyŋ Aktivterdı qaitaru jönındegı komitetı Qairat Satybaldynyŋ memleketke 50 milliard teŋgeden astam aktivtı qaitaratynyn aitqan edı.
