Türkıstanda därethanadan tabylǧan üş jasar qyzdyŋ ölımıne qatysty tyŋ derek şyqty

Türkıstan oblysy Sırgelı auylynda därethanaǧa qūlap ketken 3 jasar büldırşınnıŋ ölımı turaly tyŋ derekter paida boldy, dep habarlaidy «Adyrna» tılşısı Otyrar.kz-ke sılteme jasap. Alǧaşynda qyz abaisyzda därethanaǧa özı tüsıp ketken dep aitylǧanymen, qazırgı taŋda ony bıreu iterıp jıbergen dep küdıktelıp otyr. Basylymnyŋ mälımetınşe, qaiǧyly jaǧdaidan bır ai ötken soŋ taǧy bır qyz däl sol därethanaǧa tüsıp kete jazdaǧan. Sol kezde ol 16 jastaǧy körşısın körsetken. Polisiia tergeu jürgızıp, üş jasar Asylymnyŋ ölımı qasaqana jasalǧan qylmys ekenın anyqtady. Jasöspırım özınıŋ ıs-äreketın moiyndady. Onyŋ şizofreniiamen auyratyndyǧy belgılı boldy. «3 jasar qyzdyŋ qaitys bolu faktısı boiynşa tergeu jürgızude, onyŋ denesı aǧymdaǧy jyldyŋ mamyr aiynda Saryaǧaş audanynda därethanadan tabylǧan. Tergeu ıs-şaralary barysynda būl oqiǧaǧa kämeletke tolmaǧan küdıktınıŋ qatysy boluy mümkın ekendıgı anyqtaldy. Anyqtalǧan jaǧdailarǧa bailanysty jäne küdıktınıŋ psihologiialyq jaǧdaiyn eskere otyryp, ol mamandandyrylǧan medisinalyq mekemege ornalastyryldy. Qazırgı uaqytta ıstıŋ barlyq män-jailaryn tolyq jäne jan-jaqty anyqtauǧa baǧyttalǧan sotqa deiıngı tergeu jūmystary jalǧasuda. Polisiia aqiqatty anyqtauǧa jäne zaŋdy şeşım qabyldauǧa bar küşın salady», — dedı Türkıstan oblystyq polisiia departamentı. Eske salaiyq, 16 mamyrda Asylym esımdı büldırşınnıŋ joǧalyp ketkenı turaly habarlanǧan edı. Qyz balanyŋ denesı üş künnen keiın äjethanadan tabyldy. Artynşa poliseiler büldırşınnıŋ denesı körşı üidıŋ därethanasynan tabylǧanyn, zorlyq-zombylyqpen ölım belgılerı joq ekenın mälımdedı.