Belgiialyq äiel asyrap alǧan qazaq balasy Jänıbek äleumettık jelıde anasynyŋ ösietın aitty, dep habarlaidy "Adyrna" ūlttyq portaly.
Jänıbek özın kışkentai künınde asyrap, tuǧan ūlyndai ösırgen Valeridıŋ soŋǧy ösietın aitty. Äiel köz jūmar aldynda "myna älemde jalǧyz qalma" dep balasyna öz anasyn tabuyn tapsyrǧan.
“Eŋ aldymen ömırde jaqynynan aiyrylyp qalǧan adamdardyŋ bärıne köŋıl aitqym keledı. Valeri 10 şıldede qaitys boldy. İä, menı asyrap alǧan anam taŋǧy 10:30-da būl düniemen qoştasty. Biyl qaŋtarda Tailandta jürgen kezımde Valeri ūzaq jyldar boiy azap şekkennen keiın byltyr evtanaziiaǧa jügıngenın aityp edı. Valeri myqty adam retınde este qaldy, öitkenı ol basyna tüsken qiyndyqpen jalǧyz küresuge mäjbür boldy. "Tuǧan anaŋdy tap jäne myna ülken älemde jalǧyz qalma" dep maǧan soŋǧy tılegın aityp kettı. Saualy köp, jauaby joq oqiǧada onyŋ tılegın oryndai alar ma ekenbız? Raqmet, mama", - dep söz bastady Jänıbek.Mūrat Savelev esımdı qazaq balasy özı asyrap alǧan anasynyŋ soŋǧy tılegın oryndau üşın köpten kömek sūrady.
"Dostar, qaiyrly kün. 10.07.2024. — köpşılık bıletındei, būl menıŋ eŋ jaqyn adamym qaitys bolǧan kün. İä, älemdegı jalǧyz jaqyn adam. Valeri menıŋ tuǧan anam bolmasa da, ol menı öz ūlyndai jaqsy kördı jäne men üşın qolynan kelgenın jasauǧa tyrysty. Menı qoldap, hat jazyp, köŋıl aitqan jandarǧa raqmet. Men sızderdı jaqsy köremın, jaqsy adamdar. Valeridıŋ soŋǧy tılegın oryndauǧa tyrysaiyqşy. Kezdeskenşe!", – deidı ol.Eske sala keteiık, ötken aida Jänıbektıŋ belgiialyq anasy köz jūmǧanyn habarlaǧan edık.
Ūqsas jaŋalyqtar
