Änaru Qaldybekqyzyn zorlady dep aiyptalǧan boksşy BAQ ökılderın şaqyrǧan konferensiiasyna kelmedı, dep habarlaidy “Adyrna” ūlttyq portaly.
Bokşsy Janqoş Tūrarov jelıdegı paraqşasynda düisenbı künı baspasöz konferensiiasyn ötkızıp, jaǧdaiǧa bailanysty mälımdeme jasaitynyn aitqan edı. Alaida sportşy bügın jurnalister jinalǧan otyrysqa kelmedı.
Onyŋ advokaty Samat Mamytov konferensiiaǧa qatysyp, BAQ sūraǧyna jauap berdı.
Advokat Janqoş pen Änaru Qūrmanälınıŋ äleumettık jelı arqyly tanys bolǧandaryn rastady.
«Ekeuı äleumettık jelı arqyly tanys. Hat jazysyp tūrǧan. Bıraq ol hatta qandai äŋgıme aitylǧanyn men bılmeimın. Qazır sızderge qylmystyq ıs materialdarynan aqparat bere aita
almaimyn. Sebebı bız mälımetterdı jariialamau turaly qūjatqa qol qoidyq», - dedı Samat Mamytov.
Odan bölek, sportşynyŋ advokaty “zorlandym” degenge boijetkenge sportşynyŋ aqşa ūsynǧany turaly aqparatty joqqa şyǧardy.
«Qazır bız bırneşe nūsqany qarastyryp jatyrmyz: bırınşısı – dert nemese psihikalyq sipattaǧy auytqu; ekınşısı – haip, tanymal bolu nemese bıreudıŋ tapsyrysy. Ne bolmasa basqa faktorlar, men olardy qazır aita almaimyn»-dedı.
Konferensiiada bokşsy Janqoş Tūrarovtyŋ qazır 28 qyrküiekte Almatyda ötetın saiysqa daiyndalyp jatqany aityldy.
Al advokat tergeu qorytyndysyn kütudı sūrady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz