Fransiia prokuraturasy älemge äigılı Durovqa 12 türlı aiyp taqty, dep habarlaidy “Adyrna” ūlttyq portaly.
VVS mälımetınşe, Durovqa taǧylǧan aiyptar: qūzyrly organdarǧa aqparat beruden bas tartu, alaiaqtyq pen esırtkı satuǧa qatysynyŋ boluy, balalardyŋ pornografiialyq videolaryn saqtauǧa, kiberqylmystarǧa, aqşa jylystatuǧa qatysuy jäne t. b. bar.
Prokuratura 8 şıldede aşylǧan ıstı Kiberqylmyspen küres ortalyǧy men Ūlttyq alaiaqtyqpen küres basqarmasy (ONAF) tergep jatqanyn mälımdedı.
Sondai-aq, Durovty qamau merzımı 28 tamyzǧa deiın ūzarǧan bolatyn.
Keşe Fransiia prezidentı Emmanuel Makron Durovtyŋ ūstaluy «saiasi şeşım» emestıgın aitqan edı.“Ūstau merzımın tergeu sudiasy 25 tamyzda ūzartty jäne ūiymdasqan qylmysqa qatysty qylmystarǧa qoldanylatyn tärtıptı eskere otyryp, 96 saǧatqa deiın (iaǧni 28 tamyzǧa deiın) sozyluy mümkın”, — delıngen habarlamada.
Aita keteiık, Telegramnyŋ negızın qalauşy Pavel Durov senbı künı Bakuden Fransiiaǧa jeke ūşaqpen ūşyp kelgen. Ol sol sätte qamauǧa alyndy.“Men Pavel Durov qamauǧa alynǧannan keiın Fransiia turaly jalǧan aqparatty oqyp jatyrmyn. Fransiia söz jäne kommunikasiia bostandyǧyna, innovasiia men käsıpkerlıkke būrynǧydan da köbırek erkındık bergen. Solai bolyp qala beredı”, — dep jazdy Makron X äleumettık jelısınde.
Ūqsas jaŋalyqtar
