Jambyl oblysynda jeke tūrǧyn üi qūrylysyna 2877 jer telımı berıledı. Būl jönınde Öŋırlık kommunikasiialar qyzmetı alaŋynda ötken baspasöz mäslihatynda oblys äkımdıgı qūrylys basqarmasynyŋ basşysy Jaiyqbai Şaldarov mälımdedı, dep habarlaidy adyrna.kz ūlttyq portalynyŋ tılşısı.
Jaiyqbai Şaldarovtyŋ aituynşa, Jambyl oblysynda jeke tūrǧyn üi qūrylysyna 2877 jer telımı berıledı. Sondai-aq ol tek elektr quatyn tarta otyryp 17 alqapta 3722 jer telımın beru qarastyrylyp jatqanyn mälımdedı.
– Baspanaǧa mūqtaj az qamtylǧan jäne köpbalaly otbasylaryn tūrǧyn-üi kezegı jetkenge deiın jatahanamen qamtu üşın 8 jataqhananyŋ qūrylysy bastaldy. Jalpy, qūrylys kölemı 12,4 paiyzǧa ösıp, 226 myŋ şarşy metr tūrǧyn üi paidalanuǧa berılıp, 6,2 paiyzǧa artty. Onyŋ ışınde 260 päter köpbalaly jäne az qamsyzdandyrylǧan otbasylaryna berıldı. Būdan basqa, demeuşıler esebınen 24 otbasy tūrǧyn üimen qamtamasyz etıldı. «Nūrly jer» baǧdarlamasy aiasynda 30 köppäterlı tūrǧyn üidıŋ qūrylysy jürgızılude, 28-ı jyl soŋyna deiın tapsyrylady. Onyŋ 9-y – arendalyq üiler. 14 infraqūrylymdyq joba ıske asyryluda. Sondai-aq, oblysta qūrylysy 2018 jyly aiaqtalǧan köpqabatty tūrǧyn üilerden 380 päter satylymǧa şyǧarylyp, bügıngı künge deiın 67 päter satylǧan. Al qalǧan 313 päterdıŋ 66-sy Arai-2 yqşamaudanynda, 247 päter 15-yqşamaudanynda satylymda tūr, – dedı ol.
Basqarma basşysy Elbasy N.Nazarbaevtyŋ «Qazaqstandyqtardyŋ äl-auqatynyŋ ösuı: tabys pen tūrmys sapasyn arttyru» atty joldauy qūrylys jūmystaryn jandandyrǧanyn aitady.
– 2019 jyl qorytyndysymen 1460 päterlı 21 kredittık tūrǧyn üi qūrylysyn aiaqtau josparlanyp otyr. Osyǧan orai, atalǧan 1460 päterdı boljamaly 60/40 paiyzdyq bölınısımen satudy közdep otyrmyz. Iаǧni, «7-20-25» baǧdarlamasy boiynşa 584 päter satylmaq. Sondai-aq, halyqtyŋ äleumettık tūrǧydan älsız toptary üşın ırı qalalarda jaldamaly tūrǧyn üi qūrylysyn köbeitu qajettılıgı de özektı bolyp tūr. «Nūrly jer» baǧdarlamasy aiasynda 2018 jylydyŋ qorytyndysymen 13 üi nemese 953 päter satyp alu qūqynsyz jalǧa, iaǧni halyq igılıgıne berıldı. Būl baǧytta oblysta aldaǧy uaqytta da qūrylys jūmystary qolǧa alynbaq, – dedı basqarma basşysy.
Al däl qazır 658 päterlı 9 üidıŋ qūrylysy jäne qaita jaŋǧyrtu jūmystary jürgızılıp jatyr eken. Onyŋ ışınde 130 päterlı 2 üidıŋ qūrylys jūmystary 2020 jylǧa ötpelı. Qalǧan 528 päterdıŋ qūrylysy jyl soŋyna deiın aiaqtaluy tiıs. Sondai-aq, «7-20-25» baǧdarlamasy aiasynda 320 adam ötınış berıp, 173-ı qoldau tapty. 144 azamatqa 1 milliard teŋgege nesie räsımdeldı.
"Adyrna"
ūlttyq portaly
