Osydan 75 jyl būryn 1949 jyly 29 tamyz Semei poligonynda Sovet Odaǧyndaǧy tūŋǧyş iadrolyq qaru synaqtan ötkızıldı.
40 jylǧa ūlasqan (1949–1989 jyldar) iadrolyq synaqta sovet äskerilerı men ǧalymdary Semei iadrolyq poligonynda 460 iadrolyq, termoiadrolyq jäne suteg qarulardy jerde, äuede, jer astynda jäne suda jarylys jasady.
Poligon aumaǧynan 55 äue jäne jer üstı jarylystardyŋ radioaktivtı būlttary taralyp, 169 jer asty synaqtardyŋ gaz syǧyndylary taraldy. Däl osy 224 jarylys Qazaqstan şyǧysynyŋ radiasiiaǧa oranuyna tıkelei äser ettı.
1 milionnan astam qazaqstandyq iadrolyq qarudyŋ qūrbanyna ainaldy. Semei poligonyna jaqyn maŋaidaǧy eldı-meken tūrǧyndary aiyqpas dertke şaldyqty. Qaterlı ısık, jüike jüiesı, aqqan auruy meŋdep, Şyǧys jäne Soltüstık-Şyǧys Qazaqstanda radiasiianyŋ äserınen auyr nauqasty säbiler düniege keldı.
1980 jyldyŋ soŋynan bastap Qazaq KSR azamattary poligondy jabudy talap etıp, sonyŋ arqasynda iadrolyq synaqtardy jürgızu toqtatyldy.
Nätijesınde 1991 jyly 29 tamyzda Qazaqstannyŋ tūŋǧyş Prezidentı Nūrsūltan Nazarbaev «Semei iadrolyq synaq poligonyn jabu turaly» Jarlyqqa qol qoidy. Poligon jabylǧannan keiın ondaǧy barlyq nysandar jäne üş iadrolyq reaktor Qazaqstan Respublikasynyŋ menşıgıne öttı.
