Memleket basşysy Qasym-Jomart Toqaev qazaqstandyqtardy Konstitusiia künımen qūttyqtady, dep habarlaidy «Adyrna» tılşısı.
«Ata zaŋ – memlekettılıgımızdıŋ berık tūǧyry, elımızdıŋ däiektı ärı tūraqty damuynyŋ myzǧymas kepılı.
Memleket pen qoǧam ömırınıŋ negızın aiqyndaityn Konstitusiiada azamattardyŋ müddesıne, qūqyǧy men bostandyǧyna airyqşa nazar audarylǧan. Sondyqtan Qazaqstanda jüzege asyrylyp jatqan barlyq auqymdy özgerıstıŋ maqsaty – halyqtyŋ äl-auqatyn jaqsartu»,—dedı ol.
Prezident 2022 jylǧy konstitusiialyq reformanyŋ nätijesınde jan-jaqty demokratiialandyru üderısı bastalǧanyn atap öttı.
«Saiasi jüienı jaŋǧyrtuǧa jaǧdai jasaldy. Qūqyq qorǧau instituttarynyŋ jäne Adam qūqyqtary jönındegı uäkıldıŋ märtebesı köterıldı. Sondai-aq Konstitusiialyq Sot qūryldy. Būl mekeme qazır elımızde zaŋ üstemdıgın ornyqtyruǧa barynşa yqpal etıp otyr.
Konstitusiianyŋ ädıl ärı berekelı qoǧamnyŋ tıregı sanalatyn zaŋ men tärtıptı qamtamasyz etu jolyndaǧy rölı nyǧaia tüstı.
Azamattardyŋ negızgı zaŋymyzdy qūrmettep, onyŋ talaptaryn būljytpai oryndauy – naǧyz otanşyldyqtyŋ jäne joǧary jauapkerşılıktıŋ aiqyn körınısı. Bız Konstitusiiada bekıtılgen qasterlı qūndylyqtarǧa süiene otyryp, barşaǧa bırdei mümkındık beretın Ädılettı Qazaqstandy bırge qūratynymyzǧa kämıl senemın. Är şaŋyraqqa baq-bereke, tolaiym tabys tıleimın!» — dep tolyqtyrdy Qasym-Jomart Kemelūly.
