Atyrau oblysynda şekaraşy äskeri qyzmetın öteuge kelgen sarbaz bölımşeden qaşyp kettı, dep habarlaidy “Adyrna” ūlttyq portaly Orda.kz-ke sılteme jasap.
Sarbazdyŋ qai künı qaşyp ketkenı turaly derek jariialanbaǧan. Alaida ol Atyrau oblysynyŋ İsatai audanynda ornalasqan 5575 äskeri bölımşesınen qaşqan.
Bölımşedegıler äskerge şaqyryluşy azamattyŋ joq ekenın bırden baiqap, ızdeuge kırısedı. Sarbazdy Atyrau oblysy boiynşa Ūlttyq qauıpsızdık departamentı şekara qyzmetınıŋ qyzmetkerlerı ūstaǧan.
“Ol ūstaldy. Qaşu sebebı anyqtalyp jatyr. Bıraq onyŋ äskerdegı älımjettıke qatysy joq”, - delıngen Ordanyŋ deregınde.Sarbaz qaşyp ketken şekara bölımşesı 2018 jyldyŋ jeltoqsan aiynda aşylǧan. Būl öŋırdegı alǧaşqy jaǧdai emes. Būǧan deiın de mamyrda Atyrau garnizonynda äskerge şaqyrylǧan azamat qaru alyp qaşyp ketken bolatyn. Ol özın ūstaǧysy kelgenderge oq jaudyra bastaǧan. Keiınnen äskeridı «Arlan» arnaiy jasaǧy men Ūlttyq qauıpsızdık komitetınıŋ qyzmetkerlerın ūstamaq bolǧan. Artynşa qaşqan sarbaz öz erkımen berılgen edı. Odan bölek, 2022 jyly Atyrau oblysynda äskerde boryşyn ötep jürgen sarbaz qaitys bolǧan.
