Jambyl oblysynda 1 synypqa 13 512 bala elektrondy türde tırkeldı, dep habarlaidy adyrna.kz ūlttyq portaly. Būl turaly Öŋırlık kommunikasiialar qyzmetınde ötken baspasöz konferensiiasynda bılım basqarmasynyŋ basşysy Rahiia Tūrmahanbetova mälımdedı.
Rahiia Seitbekqyzynyŋ aituynşa, oblysta balabaqşaǧa balalardy kezekke qoiu men joldama alu (edugarden.kz), mektepke 1synypqa qabyldau (eduschool.kz) jüiesı jolǧa qoiylǧan. Bügıngı künı mektepke 1 synypqa 13938 elektrondy ötınış berılıp, 13512 bala qabyldandy. Mektepke deiıngı bılım mekemelerıne 10703 balaǧa elektrondy joldama berıldı.
Atalmyş jüie aşyqtyqty qamtamasyz etedı. Sondai-aq, ol tehnikalyq jäne käsıptık bılım beru mekemelerıne oquǧa qabyldau (zhambyltipo.kz) jüiesı 100% avtomattandyrylǧanyn aitty. Būdan bölek basqarma basşysy jaŋa oqu jylynda bırneşe mektep jaŋadan aşylatynyn tılge tiek ettı.
– Biylǧy jaŋa oqu jylynda 5 mektep paidalanuǧa berıledı. Onyŋ bıreuı üşauysymdy, bıreuı apatty jäne üşeuı oryn tapşylyǧy bar mekteptıŋ mäselesın şeşedı. Qalǧan 3 apatty mektepke oblystyq biudjetten qarjy bölındı, qūrylysy biyl bastalady. Sondai-aq, 7 mektepke kürdelı jöndeu jūmystary jürgızılıp jatyr. Onyŋ 6-uy jaŋa oqu jylynda aiaqtalady. Äitse de, Şu audanyndaǧy M.Äuezov mektebınıŋ qūrylysy qaraşaǧa deiın jalǧasady. Oqu prosesıne kedergı keltırmeu şaralary qabyldanuda. Bırde-bır bala oqudan syrt qalmaidy, – dedı basqarma basşysy.
Rahiia Seitbekqyzynyŋ aituynşa, oblysta 25528 ūstaz oquşylarǧa zaman talabyna sai sanaly tärbie men sapaly bılım berude.
Jaŋartylǧan bılım beru mazmūnyna köşetın 4,9,10 synyptarǧa sabaq beretın 5311 jambyldyq pedagog jaŋa baǧdarlama aiasynda bılıktılıktı arttyru kurstarynan öttı. Ötken oqu jylynda jūmysqa myŋnan asa jas maman qabyldansa, bügıngı künı 360 jas mamandy jūmysqa ornalastyru jūmystary jürgızılude.
Būdan bölek, basqarma basşysy oqulyqtarǧa bölıngen qarjynyŋ jetkılıktı ekenın mälımdedı. Iаǧni, 1 qyrküiekke deiın oqulyqtar 100% mektepterge jetkızıledı. Biyl «Jeŋıl portfel» jobasy aiasynda 1 qyrküiekten bastap balalar men ata-analar üşın ministrlık saitynda oqulyqtardyŋ elektrondy nūsqasy qol jetımdı jäne ony jüktep aluǧa bolady.
Oblysta 442 mektep jūmys ısteitın bolady. Boljam boiynşa biyl 1 synypqa 28000-nan astam bala keledı dep kütılude.
"Adyrna" ūlttyq portaly
