Prokuratura Almaty oblysy Ile audanynyŋ äkımı Baǧdat Qarasaevqa qatysty qozǧalǧan qylmystyq ıstıŋ män-jaiyn anyqtady, dep habarlaidy "Adyrna" ūlttyq portaly.
«Almaty oblysynyŋ prokuraturasy men sybailas jemqorlyqqa qarsy qyzmetı Ile audanynda ornalasqan poligonnyŋ qyzmetın bırlesıp tekserudı aiaqtady. Jedel ızdestıru ıs-şaralarynyŋ nätijesınde 2024 jylǧy 3 qyrküiekte audan äkımı Qarasaev B.A. sybailas jemqorlyq jasady degen küdıkpen Qazaqstan Respublikasy Qylmystyq-prosestık kodeksınıŋ 128-131-baptaryna säikes ūstaldy. Oǧan käsıpkerlık qyzmetke zaŋsyz qatysqan, lauazymdyq ökılettıkterın asyra paidalanǧan jäne memlekettık müddege ziian keltırgen degen aiyp taǧyldy», - dep habarlady särsenbıde Almaty oblystyq prokuraturasynyŋ baspasöz qyzmetı.
Būl qylmystar üşın mülkı tärkılenıp, 10 jylǧa deiın bas bostandyǧynan aiyru jazasy qarastyrylǧany atap ötıldı.
«2024 jyldyŋ 4 qyrküiegınde prokuratura būltartpau şarasyn qoldanu üşın qylmystyq ıs materialdaryn sotqa jıberdı», - dep tolyqtyrdy qadaǧalau organy.
Eske sala keteiık, būǧan deiın Qarasaevtyŋ ūstalǧany turaly habarlaǧan bolatynbyz.
Qarasaev 2018 jyldyŋ qyrküiegınen bastap Ile audanyna basşylyqqa keldı. Oǧan deiın Almaty oblysy äkımınıŋ keŋesşısı, Taldyqorǧan qalasynyŋ äkımı boldy, oblystyq apparatty basqardy.
Ūqsas jaŋalyqtar
