Mäjılıs Spikerı, «AMANAT» partiiasynyŋ Töraǧasy Erlan Qoşanov AES saludy qoldau jönındegı Halyqtyq ştabtyŋ alǧaşqy otyrysyn ötkızdı. Onyŋ qūramyna 6 saiasi partiianyŋ, sondai-aq şamamen 20 respublikalyq qoǧamdyq bırlestıktıŋ 250-ge juyq ökılı kırdı.
6 qazanda ötetın AES salu jönındegı referendumnyŋ Täuelsız Qazaqstannyŋ bolaşaǧy üşın strategiialyq maŋyzy zor. Sondyqtan elımızdegı bedeldı saiasi jäne qoǧamdyq ūiymdar AES saludy qoldau jönındegı Halyqtyq ştabqa bırıktı. Būl turaly Mäjılıs Spikerı, «AMANAT» partiiasynyŋ Töraǧasy Erlan Qoşanov Ştabtyŋ alǧaşqy otyrysynda mälımdedı. Ştabtyŋ maqsaty – halyqty atom elektr stansiiasyn salu jönındegı progressivtı ideiasynyŋ ainalasynda toptastyru.
«AES qūrylysy – būl Qazaqstannyŋ aldaǧy ūzaq jyldardaǧy tabysty damuynyŋ kepılı bolatyn serpındı joba. Elımızdegı jäne älemdegı barlyq ozyq oily tūlǧalar atom energetikasyn paidalanudyŋ tiımdılıgın jaqsy tüsınedı. Būl – eŋ aldymen, qauıpsız, senımdı, ekologiialyq taza joba. Bız ülken taŋdau aldynda tūrmyz. Sondyqtan Halyqtyq ştabtyŋ mındetı – el arasynda keŋ auqymdy tüsındıru jūmystaryn jürgızıp, qoǧamdy AES-tı qoldauǧa jūmyldyru. 6 qazanda ötetın referendum bızdıŋ bırlıgımızdı körsetedı», – dedı ol.
Mäjılıs Spikerı bügıngı taŋda energetikalyq täuelsızdık mäselesı kün tärtıbınde alǧaşqy orynǧa şyqqanyn atap öttı. Älemnıŋ ozyq elderınıŋ täjıribesı atom energetikasynyŋ tiımdılıgı men qauıpsızdıgın aiqyn däleldeidı. Qazırgı uaqytta Qazaqstan elektr energiiasynyŋ tapşylyǧyn sezınude jäne ony körşı elderden importtauǧa mäjbür. Sondyqtan Halyqtyq ştabtyŋ basty mındetı – qoǧamǧa AES saludyŋ maŋyzdylyǧy men artyqşylyqtaryn jetkızu, jūrt arasyndaǧy negızsız üreilerdı seiıltu. Oǧan qosa, partiialar men ÜEŪ-lardyŋ bırlesıp jūmys ısteude tabysty täjıribesı de bar.
«Bızdıŋ ärqaisymyz balalarymyzdyŋ quatty jäne eşkımge mūqtaj bolmaityndai täuelsız memlekette ömır sürgenın qalaimyz. AES salu turaly şeşımdı qabyldai otyryp, bız osy asqaq armanymyzǧa qarai qadam jasaimyz. Bız eldıŋ energetikalyq täuelsızdıgın şegelep bekıtemız. Bolaşaq ūrpaqqa energetikalyq tūrǧydan täuelsız, iaǧni ekonomikasy tūraqty jäne örkendegen Qazaqstandy mūra etıp qaldyramyz. Būl tarihi şeşım Ädılettı Qazaqstandy qūru jylnamasyndaǧy jaŋa paraqşaǧa ainalady», – dedı ol.
Otyrys barysynda AES qūrylysyna qoldau bıldırıp, Halyqtyq ştabtyŋ qūramynda kırgender qatarynda Ūlttyq ǧylym akademiiasynyŋ prezidentı Aqylbek Kürışbaev, «Qazaqstandyq atom elektr stansiialary» JŞS bas direktory Timur Jantikin, Qazaqstan Azamattyq aliansynyŋ prezidentı Banu Nūrǧazieva, «Atameken» Ūlttyq käsıpkerler palatasy prezidiumynyŋ töraǧasy Raiymbek Batalov, Qazaqstan halyq partiiasynyŋ töraǧasy Ermūhamet Ertısbaev, «Ardagerler ūiymy» RQB töraǧasy Baqtyqoja Izmūhambetov, «Auyl» partiiasynyŋ töraǧasy Serık Egızbaev, «Aq jol» Qazaqstan demokratiialyq partiiasynyŋ töraǧasy Azat Peruaşev, Mäjılıs deputaty Ermūrat Bäpi, «Respublica» partiiasynyŋ töraǧasy Aidarbek Qojanazarov, «Baitaq» partiiasynyŋ töraǧasy Azamathan Ämırtaev, «Jastar Ruhy» jastar qanatynyŋ töraǧasy Aqerke İskanderova jäne basqalar boldy.
Sonymen qatar Halyqtyq ştabtyŋ qūramyna Qazaqstan Respublikasy Käsıpodaqtar federasiiasy, «Ardagerler ūiymy» RQB, Ūlttyq sport qauymdastyǧy, «Assambleia jastary» RQB, Qazaqstannyŋ Iаdrolyq qoǧamy, Tau-ken öndıru jäne tau-ken metallurgiia käsıporyndary qauymdastyǧy, Qazaqstan elektr energetikalyq qauymdastyǧy jäne basqa da ūiymdar kırdı.
Ştab qūramyna saiasi partiialardyŋ ortalyq jäne aimaqtyq belsendılerı, sondai-aq respublikalyq qoǧamdyq bırlestıkterdıŋ ökılderı, sonyŋ ışınde Parlament pen mäslihat deputattary, intelligensiia ökılderı, tanymal ǧalymdar, mädeniet jäne sport qairatkerlerı, «Jastar Ruhy» jäne basqa da jastar ūiymdarynyŋ belsendılerı kırdı. Aldaǧy uaqytta ştab müşelerı öŋırlerdegı sailauşylarmen jūmysyn bastaidy, eŋbek ūjymdarymen kezdesuler ötkızedı, şalǧai eldı mekenderge barady.
Foto: Äli Ǧalym
