Aqtöbe oblysy Temır audany Qopa auylyndaǧy 9-synyp oquşysynyŋ ölımınen soŋ mektep direktory qyzmetınen bosatyldy, kämeletke tolmaǧan ekı küdıktı ekı aiǧa qamaldy. Būl turaly oblystyq prokuraturanyŋ baspasöz qyzmetı mälımdedı, dep habarlaidy “Adyrna” ūlttyq portaly.
QR Bas prokurorynyŋ tapsyrmasynan soŋ Aqtöbe oblysy Temır audany Qopa auylyndaǧy qylmystyq oqiǧany tergeu jūmysyn oblys prokurory H.Däueşov jeke baqylauyna aldy.
«QR Qylmystyq prosestık kodekstıŋ 128-babynyŋ tärtıbımen kämeletke tolmaǧan 2 küdıktı ūstaldy. Temır audandyq soty 2 ai merzımge qamauǧa alu türındegı būltartpau şarasyn sanksiialady. Oqiǧa boiynşa tergep-tekserudı Aqtöbe oblystyq polisiia departamentınıŋ jedel-tergeu toby jürgızıp jatyr. Qadaǧalaudy jüzege asyru täjıribelı prosessualdyq prokurorlar tobyna jükteldı. Oblystyq prokuratura jergılıktı atqaruşy organnyŋ atyna Temır audany äkımınıŋ, oblystyq Bılım basqarmasy jäne audandyq bılım bölımınıŋ lauazymdy tūlǧalarynyŋ jauapkerşılıgın şeşu jönınde ūsynys engızdı. Bügıngı künı qadaǧalau aktısımen Qopa auylyndaǧy mekteptıŋ direktory R.E.Qarjauov qyzmetınen bosatyldy. Basqa mälımetter tergeu müddesıne qatysty jariialanbaidy», - dep habarlady Aqtöbe oblystyq prokuraturasynyŋ baspasöz qyzmetı.
Eske salsaq, 2 qyrküiek künı Qopa auylynda oquşylar töbelesıp, 9-synyp oquşysy qaitys bolǧan. Bas prokuror Berık Asylov būl ıstı jeke baqylauyna alǧanyn habarlady.
Ūqsas jaŋalyqtar
