Şymkent qalasynyŋ äkımı Ǧabit Syzdyqbekov pen QR sifrlyq damu, innovasiialar jäne aeroǧaryş önerkäsıbı ministrı Jaslan Mädiev «Shymkent Hub» öŋırlık tehnoparkınıŋ aşyluyna qatysty. Jaŋa ortalyqtyŋ negızgı maqsaty-tehnologiialyq käsıpkerlıktı örkendetu, startap-mädeniettı qalyptastyru, IT-salany jäne sifrlyq bılım berudı damytu.
Aşylu aiasynda IT-startaptardyŋ, IT-kompaniialardyŋ, robototehnika mektebınıŋ jäne Tech Orda baǧdarlamasyna qatysuşy jeke IT-mektepterdıŋ, sondai – aq Şymkent qalasynyŋ innovasiialyq jobalarynyŋ körmesı ūiymdastyryldy.
«Shymkent Hub «Astana Hub» bılım beru jäne inkubasiialyq baǧdarlamalaryn ıske asyruǧa arnalǧan platforma bolady. Onyŋ aumaǧynda belsendı IT-qoǧamdastyqtyŋ qalyptasuyna yqpal etetın türlı ıs-şaralar ötedı.
Startap-jobalardy äzırleu barysynda qatysuşylar käsıpkerlık negızderın, investisiialardy tartuda qoldaudy, qarjylyq esep jürgızudı jäne basqa da qajettı daǧdylardy üirenedı.
Esterıŋızge sala keteiık, Memleket basşysy Qasym-Jomart Toqaevtyŋ «Ädılettı Qazaqstannyŋ ekonomikalyq baǧdary» atty Qazaqstan halqyna Joldauynda öŋırlık deŋgeide innovasiialyq ekojüienı keŋeitudıŋ maŋyzdylyǧyn atap ötken bolatyn.
