«Adyrna» ūlttyq portalynda “Almaty oblysy sot ǧimaratyn 5 aiǧa jaldau üşın 50 millionnan astam teŋge qarjy böldı” degen syni maqala jariialanǧan edı. Sol materialda köterılgen mäselerge qatysty oblystyq sot resmi jauap berdı, dep habarlaidy «Adyrna» tılşısı.
Bız atalǧan maqalada Almaty men Jetısu oblystary bölınıp, oblys ortalyǧy Qonaev qalasyna köşkelı berı memlekettık mekemelerdıŋ denı keŋselerdı jalǧa alyp otyrǧanyn, mäselen Almaty oblysynyŋ Sot äkımşılıgı aldaǧy bar bolǧany bes aiǧa 2273,7 şarşy metrden kem emes auqymdaǧy äkımşılık ǧimaratty (20 adamǧa deiın syiymdylyǧy bar zaly, 1 mäjılıs zaly, vanna bölmelerı, 2 sot töraǧasy, 3 alqa töraǧalary, 20 sudiaǧa arnalǧan kabinetterı bar) jaldau üşın qazyna qarjysynan 50 752 232 teŋge qarjy jūmsaǧaly jatqanyn jazǧan edık.
Sondai-aq, oblystyq sotqa resmi hat jazyp, oblys bölıngen ekı jyldan astam uaqytta sot äkımşılıgı ǧimarat jaldauǧa biudjet qarjysynan qanşa aqşa şyǧyndaǧanyn, būl ürdıs qaşanǧa deiın jalǧasatynyn, ǧimaratty jalǧa aluǧa ketken qarjymen memlekettık mekemege ǧimarat soǧyp aluǧa ne kedergı ekenın sūrap hat joldaǧanbyz.
Almaty oblystyq soty bız joldaǧan bırneşe sūraqqa qysqaşa jauap qaiyrypty. Qaraŋyz (hat mätının özgertpei ūsynamyz):
“Almaty oblysy Qonaev qalasy äleumettık-ekonomikalyq damytudyŋ 2023 – 2027 jyldarǧa arnalǧan keşendı josparyna säikes Almaty oblystyq soty men departamentıne ǧimaratyn salu jergılıktı atqaruşy organdarymen josparlanuda. Bügıngı taŋda, qala äkımdıgı tarapynan Almaty-Öskemen avtomobil jolynyŋ boiynda ornalasqan jer uchaskelerı bölındı, olar boiynşa osy obektılerdıŋ qūrylysy josparlanyp, "Almaty oblysynyŋ qūrylys basqarmasy" men "Kompaniia STROITEKS" JŞS jobalau ūiymy arasynda joǧaryda atalǧan obektıler boiynşa jobalau-smetalyq qūjattamany äzırleuge şarttar jasaldy. Jobalardy ıske asyru respublikalyq jäne jergılıktı biudjet esebınen 2025-2026 jyldarǧa josparlanyp otyr. Jobalau-smetalyq qūjattamanyŋ aiaqtalu merzımı 2024 jylǧy 3-toqsan. Qazırgı uaqytta jūmys jobasyn äzırleu jūmystary aiaqtaluda,-” delıngen.
Qoş! Jauaptan ūqqanymyz Almaty oblystyq soty bız qoiǧan naqty sūraqtardy ainalyp ötıp, tek sot ǧimaratynyŋ 2027 jylǧa deiın äiteuır bır salynatynyn tılge tiek etıptı. Oblys bölıngen ekı jyldyŋ ışınde ǧimarat jaldauǧa qanşa qarjy şyǧyn bolǧany turaly jaq aşpapty. Resmi jauapta maqalada köterılgen sot ǧimaratyn bes aiǧa jaldauǧa bölıngen 50 million teŋgeden astam qarjy turaly da eşteŋe aitylmaǧan. Demek, oblystyq sot jai ǧimarat üşın ainaldyrǧan bes aiǧa milliondardy şaşyp jatqanyn joqqa şyǧarǧan joq!
2027 jylǧa deiın älı üş jyl bar. Iаǧni, 36 ai! Joǧarydaǧy 50 752 233 teŋgenı beske bölseŋız 10 150 446 teŋgenıŋ, sot ǧimaratyn ailyq jaldau qūnynyŋ töbesı körınedı. Demek, Almaty oblysynyŋ soty aldaǧy üş jylda tek ǧimaratty jaldau üşın halyq qazynasynan 365 416 070 teŋge qarjy jūmsaidy degen söz.
Bız oblysqa qatysty bır ǧana memlekettık mekemenıŋ jaǧdaiyn söz etıp otyrmyz. Almaty oblysynyŋ basqa mekemelerı biudjettıŋ qanşa qarjysyn äuege şaşyp jatqany belgısız.
Asyl Abai
Adyrna ūlttyq portaly
