Şymkenttık 85 jastaǧy qariia Astanada ötıp jatqan Köşpendıler oiyndaryna velosipedpen barudy jön sanaǧan. Būl turaly Ontustiktv.kz jariialady, dep habarlaidy “Adyrna” ūlttyq portaly.
Telearnanyŋ mälımetınşe, 85 jastaǧy aqsaqal 1 500 şaqyrymdy velospiedpen eŋserıp ötıp, jerlesterıne qoldau bıldırmek niette. Būl qadam ärı densaulyqqa da paidaly, elde bolyp jatqan eleulı şaraǧa üles qosu – ärkımnıŋ azamattyq boryşy deidı. Osy oraida Astana törınde ötıp jatqan dübırlı dodany nasihattap, eldıŋ atyn şyǧaruǧa atsalyspaq.
Jastaiynan velosiped aidap, talai saiysta top jarǧan Keŋesbek Seidımbekūly üşın būl sapar da qiynǧa soqpaityny belgılı. Jolauşyny Şymkentten jerlesterı, şäkırtterı men ūl-qyzdary şyǧaryp saldy.
Batagöi qariia beibıt künde dübırletıp at şaptyryp, toi toilap jürgenımız ata-babanyŋ armany edı deidı.
Ūqsas jaŋalyqtar
