Şymkent qalasy Jastar resurstyq ortalyǧynyŋ basşylyǧy qyzmetkerlerge äleumettık jelıdegı jazbaǧa lüpıl baspaǧany üşın eskertu jasaǧany belgılı boldy, dep habarlaidy “Adyrna” ūlttyq portaly Facebook qoldanuşysy Azat Didarbektıŋ jazbasyna sılteme jasap.
Jelı qoldanuşysynyŋ aituynşa, ortalyq basşylyǧy öz qyzmetkerlerınıŋ äreketterın äleumettık jelıler arqyly baqylap, jazbaǧa reaksiia bıldırmegenderdı qysymǧa alǧan. Tıptı, mūndai jaǧdaidyŋ saldarynan qyzmetkerlerdıŋ bırı mazasy ketıp, jedel järdem şaqyruǧa mäjbür bolǧan.
“Mäselelerdı şeşudıŋ ornyna, ortalyq basşylyǧy mäsele kötergen jastarmen ainalysyp otyr ma?” – dep jazdy Azat Didarbek. Ol sondai-aq Şymkent qalasynyŋ äkımıne qarasty tūlǧalarǧa jaǧdaiǧa nazar audaruǧa şaqyrdy.
Şymkent qalasynyŋ Işkı saiasat jäne jastar ısterı jönındegı basqarmasynyŋ basşysy Aigerım Jūmaǧūlova būl jaǧdaidan habardar ekenın aityp, ıstı jeke baqylauyna alǧanyn jetkızdı.
“Jaǧdai ädıl jäne obektivtı türde qaralady”, – dedı ol Instagram paraqşasynda.
Ūqsas jaŋalyqtar
