Şymkentte qūtqaruşylar 24 metrlık qūdyqtan ekı jasar qyzdy şyǧardy. Būl turaly Tötenşe jaǧdailar ministrlıgı mälımdedı, dep habarlaidy "Adyrna".
Oqiǧa Qaratau audanynda, Qūdaibergenov köşesındegı jeke tūrǧyn üidıŋ aumaǧynda bolǧan. Vedomstvonyŋ mälımetınşe, 2024 jyly tuǧan bala ülkenderdıŋ qarauynsyz qalyp, qūdyqqa qūlap ketken.
Oqiǧa ornyna qūtqaruşylar jedel jettı. Olar qūdyqtyŋ tereŋdıgı şamamen 24 metr ekenın anyqtady.
TJM qyzmetkerlerı alpinistık jabdyqtardy qoldana otyryp tömen tüsıp, balany jer betıne ūqypty şyǧaryp aldy.
Qūtqaru jūmystarynan keiın qyz bala ärı qarai tekseru jürgızu üşın jedel medisinalyq kömek brigadasyna tapsyryldy.
TJM ata-analarǧa balalardy qarausyz qaldyrmau qajettıgın eske saldy.
Ūqsas jaŋalyqtar
