Şymkent qalasyndaǧy «Azamattarǧa arnalǧan ükımet» memlekettık korporasiiasy filialyna qatysty bırqatar zaŋsyzdyqtar qoǧamda ülken rezonans tudyrdy. Būl jönınde Mäjılıs deputaty Bolatbek Äliev Ükımetke deputattyq saual joldady.
Deputattyŋ aituynşa, soŋǧy ailarda tırkelgen üş ırı faktı bır ǧana jüiege — Şymkenttegı filialdyŋ baqylau men basqaru tetıkterıne baryp tıreledı.
Äleumettık tölemderdı ūrlau deregı
Juyrda Şymkentte jalǧan jūmysqa ornalastyru arqyly jüktı äielderdıŋ atyna äleumettık tölemderdı zaŋsyz alu shemasy äşkerelendı. Tergeu derekterı boiynşa, aiyptaluşylar bögde tūlǧalardyŋ elektrondyq sifrlyq qoltaŋbasyn (ESQ) paidalanyp, memleketten tölem alyp kelgen.
Memleketke keltırılgen zalal kölemı 217 million teŋgeden asqan. Deputat būl jaǧdaidy «ışkı baqylau jüiesınıŋ ısten şyǧuynyŋ aiqyn dälelı» dep baǧalady.
Zaŋsyz jürgızuşı kuälıkterı
Būǧan deiın däl osy qalada jürgızuşı kuälıkterın emtihansyz satu faktısı boiynşa ırı qylmystyq ıs qozǧalǧan. Resmi mälımetke säikes, 500-den astam adam emtihan tapsyrmai-aq kuälık alǧan, al «qyzmettıŋ» qūny 150–400 myŋ teŋge aralyǧynda bolǧan.
Ūiymdasqan toptyŋ jalpy tabysy 150 million teŋgeden asyp tüsken. Deputat mūny da jüiedegı baqylau men jauapkerşılıktıŋ älsızdıgınen dep esepteidı.
Şeteldık azamat atyna räsımdelgen ESQ
Taǧy bır soraqy derek – şetelde jürgen adamnyŋ atyna ESQ räsımdelıp, ol Qazaqstan aumaǧynda belsendı qoldanylǧan.
Atalǧan qoltaŋbamen kompaniialar tırkelıp, salyq esepterı, buhgalterlık qūjattar jäne sot ısterı jürgızılgen.
Älievtıŋ pıkırınşe, būl – memlekettık qyzmet körsetu jüiesındegı qauıpsızdık pen zaŋdylyq qaǧidalarynyŋ öreskel būzyluy.
Basqaru qai deŋgeide älsıregen?
Deputat barlyq zaŋsyzdyqtyŋ bır filial aumaǧynda tırkeluın basqaruşylyq daǧdarys dep atady.
«ESQ iesınen tys räsımdelıp, äleumettık tölemder ūrlanyp, jürgızuşı kuälıkterı satyla bastasa – būl jeke qyzmetkerdıŋ emes, bükıl basqaru jüiesınıŋ älsızdıgı», – dedı ol.
Ūsynylǧan şaralar
Mäjılıs deputaty mäselenı şeşu üşın bırqatar naqty qadamdardy ūsyndy:
1. Filial basşylyǧynyŋ käsıbi jaramdylyǧyn jäne jauapkerşılıgın tekseru;
2. ESQ räsımdeu, jürgızuşı kuälıkterın beru jäne äleumettık tölemder prosesterıne täuelsız audit jürgızu;
3. Soŋǧy üş jyldaǧy barlyq ESQ, äsırese şetel azamattaryna berılgen qoltaŋbalardy qaita qarau;
4. Är būzuşylyq boiynşa jeke qyzmetkerlermen qatar, basşylyq deŋgeiınde de jauapkerşılık jükteu.
Bolatbek Äliev būl derekterdıŋ barlyǧyna bailanysty Ükımet basşylyǧyna deputattyq saual joldaǧanyn mälımdedı.
Ol saualda Şymkent filialynda anyqtalǧan zaŋsyzdyqtar, ESQ räsımdeu kezınde ketken būzuşylyqtar jäne äleumettık tölemder men jürgızuşı kuälıkterıne qatysty tergeu nätijelerı jan-jaqty qaraluy tiıs ekenın aitty.
«Maqsat – kınälılerdı ǧana emes, jüielık älsızdıktı anyqtap, ony tübegeilı joiu», – dedı deputat.
Mäjılıs ökılınıŋ aituynşa, «Azamattarǧa arnalǧan ükımet» halyq senımın qaitarǧysy kelse, baqylau men qauıpsızdık qaǧidattary formaldy emes, naqty jūmys ısteitın mehanizmge ainaluy tiıs.
Ūqsas jaŋalyqtar
