Taldyqorǧan qalasyndaǧy Nazarbaev Ziiatkerlık mektebınıŋ aǧylşyn tılı mūǧalımderı Äsel Meŋlıbaeva men Ainūr Rysbaeva jyl saiyn älemnıŋ tükpır-tükpırınen bılım beru salasynda myŋdaǧan zertteuşılerdı jinaityn ECER 2024 halyqaralyq konferensiiasyna qatysty.
Biyl ECER konferensiiasy Kiprde öttı. Nikosiiaǧa öz elderınıŋ täjıribesın ūsynu üşın 70 elden 2000-nan astam qatysuşy keldı.
Ziiatkerlık mektep mūǧalımı Ainūr Rysbaeva «Nazarbaev Ziiatkerlık mektebı mūǧalımderınıŋ sabaqtarǧa özara qatysudaǧy közqarastary men täjıribesı jäne osy prosestıŋ olardyŋ käsıbi damuyna äserı» atty baiandama jasady.
Būl zertteude men bırneşe jyl jūmys ıstedım. Käsıbi ösuge, qoldauǧa jäne jaŋa strategiialardy üirenudıŋ paidasyna baǧyttalǧan mektep mädenietınıŋ arqasynda mūǧalımder özara qarym-qatynasqa oŋ közqaraspen qarady. Būl ädıs sabaqtyŋ özındık taldauyn daiyndau mındetın şeşuge, öz qyzmetın zertteu, öz eŋbegınıŋ tiımdılıgın anyqtau, bılım beru prosesın qaita qūru jäne jaqsartu üşın motivter, qajettılıkter men mümkındıkter jasau qabıletın damytuǧa kömektestı, - deidı Ainūr Rysbaeva.Ziiatkerlık mekteptıŋ aǧylşyn tılı mūǧalımı Äsel Meŋlıbekova da inkliuzivtı bılım berudı jüzege asyrudaǧy köşbasşylyq täjıribeler men strategiialar turaly öz zertteuın ūsyndy. Sonymen qatar ol EERA stipendiiasynyŋ iegerı atandy.
ECER 2024 konferensiiasyna qatysu – ol qyzyqtyratyn taqyrypty jaŋa, tereŋırek deŋgeide zertteu mümkındıgı. Käsıbi täjıribemen bölısuge daiyn qyzyqty adamdarmen söilesu. Oqytuşylarmen jeke bailanys ornatu mümkındıgı. Mekteptegı bılım berudı jaqsartu, ony halyqaralyq bılım beru standarttaryna säikestendıru jäne ony bäsekege qabılettı ärı tartymdy etu üşın osyndai konferensiialarǧa qatysu qajet, - dedı Äsel Meŋlıbaeva.ECER (European Conference on Educational Research) — Europalyq bılım berudı zertteu qauymdastyǧy (EERA) ūiymdastyratyn jyl saiynǧy halyqaralyq konferensiia. ECER-būl ärtürlı elderdıŋ ǧalymdary, zertteuşılerı men praktikterı üşın inkliuziia, oqytudyŋ innovasiialyq ädısterı, bılım berudı sifrlandyru, bılım beru saiasaty, pedagogikalyq täsılder jäne t.b. siiaqty bılımge qatysty taqyryptardyŋ keŋ auqymyn talqylaityn alaŋ.
