"Adyrna" ūlttyq portalynda “Sarandyqtar Jaŋa jyldyq şyrşaǧa 29 464 285 teŋge qarjy böldı” degen taqyryppen syni maqala jaryq körgen edı. Sol materialǧa qatysty Qaraǧandy oblysynyŋ Işkı saiasat basqarmasy jauap berdı, dep habarlaidy "Adyrna" ūlttyq portaly.
Atalǧan maqalada Qaraǧandy oblysyna qarasty Saran qalasy äkımdıgınıŋ memlekettık aktivter jäne satyp alu bölımı alty ai būryn biıktıgı 12 metrlık jaŋa jyldyq şyrşany ornatuǧa 29 464 285 teŋge qarjy bölgenın, sonymen qatar, tender jeŋımpazy osy qarjyǧa Sūŋqar stadionynyŋ alaŋyna Jaŋa jyl taqyrybyna arnalǧan fotoaimaqty daiyndap, türlı jaryqtardy, boiy 5 metr bolatyn Aiaz ata men Aqşahar qoiuy kerektıgın tarqatyp jazǧanbyz!
Sarandyqtardyŋ şılıŋgır şıldede jaŋa jyldy merekeleuge arnap tender ötkızuı ne üşın qajet bolyp otyrǧanyn sūrap tiıstı mekemege hat ta joldanǧan edı.
Soǧan jazylǧan jauap endı jettı.
Resmi hatta körsetılgen mälımetke süiensek, sarandyqtar ötken jyldyŋ täjıribesıne süienıptı-mıs. Byltyrǧy memlekettık satyp aludyŋ kelısımşarttary bırneşe ret būzyldy eken dep, biylǧy jaŋa jyldyq şyrşaǧa alty ai būryn tender ötkızıp tastau qanşalyqty aqylǧa syiady?
Kışkene ǧana qalanyŋ äkımdıgı jaŋa jyl jaqyndaǧanda şyrşa üşın 30 million teŋgege juyq qarjy bölse, közge tüsıp, synnyŋ astynda qalary anyq. Sarandyqtar sol közge tüsuden qorqyp, alty ai būryn şyrşanyŋ qamyn jasauǧa kırısse kerek. Bıraq, olar ol ailadan da tük şyqpaǧanyn tüsıner me eken?
Resmi hatta körsetılgen mälımetke süiensek, sarandyqtar ötken jyldyŋ täjıribesıne süienıptı-mıs. Byltyrǧy memlekettık satyp aludyŋ kelısımşarttary bırneşe ret būzyldy eken dep, biylǧy jaŋa jyldyq şyrşaǧa alty ai būryn tender ötkızıp tastau qanşalyqty aqylǧa syiady?
Kışkene ǧana qalanyŋ äkımdıgı jaŋa jyl jaqyndaǧanda şyrşa üşın 30 million teŋgege juyq qarjy bölse, közge tüsıp, synnyŋ astynda qalary anyq. Sarandyqtar sol közge tüsuden qorqyp, alty ai būryn şyrşanyŋ qamyn jasauǧa kırısse kerek. Bıraq, olar ol ailadan da tük şyqpaǧanyn tüsıner me eken?
Asyl Abai
"Adyrna" ūlttyq portaly
Ūqsas jaŋalyqtar
