Elimizdiń ár óńirindegi muǵalimderdiń jalaqysy sońǵy ýaqytta tutas berilmeı otyr. Bul týraly aqparatty ózimiz biletin muǵalimder de rastady. Sonymen qatar kúni keshe Facebook áleýmettik jelisindegi «Qazaqstan ustazdary» tobynda da osy másele talqyǵa tústi.
«Pedagogtardyń eńbekaqysyn bólip -jarmaı tolyq alatyn kún qashan týady?Nesıe ústinde otyrǵanymyzdy bilmeıdi- aý deımin?Osy toptyń Sultan aǵaı bastaǵan myqtylary aılyq jóninde mınıstrge hat joldaıyq. Nege bizder mestnyı bıýdjet,respýbl.bıýdjet dep bas qatyrýymyz kerek?Adal eńbegimizdiń aqysy nege ýaqytyly tólenbeı otyr?Oqý jospary aldyn- ala bekitildi,bıýdjet aqshasy bólindi.Kim ,ne sebepti ustap otyr aılyqty?...Bólip-jaryp alǵasyn da prıhod- rasshod esepteýge de kóńiliń bolmaıdy eken.Qylyshyn súırete qys kele jatyr,otyn-sýymyz ben bala shaǵamyzdyń kıim- keshegi,kúzgi jıyn-terinniń ónimderin jylda osy ýaqytta alyp alýshy edik.Bıyl bólinip-bólinip berilgen aılyqtan berekemiz kirmeı tur....Álde ustazdarda artyq aqsha,ınvestıııa bar dep oılaı ma eken ókimet?Bar aqshany ıpotechnyı nesıege quıyp,ash otyrmyz! Týra maǵanasynda «Ashpyz!» dep jazdy elimizdiń muǵalimderi. Osy jazbanyń astyna qaldyrylǵan pikirlerdi oqyp, bul problema bir ǵana óńirde bolyp jatpaǵanyna kózińiz jetedi.
Taıaýda ǵana redakııamyzǵa Pavlodar oblysy, Ekibastuz qalasyndaǵy birneshe muǵalim habarlasyp, jalaqylarynyń jyrymdalyp, bólinip túsip jatqanyn aıtyp shaǵymdanǵan edi. «Jazǵy eńbek demalysymyzdyń aqshasy azaıyp túskenimen qoımaı, birneshe bólinip túsip ábden ıt bolǵanbyz. Endi mine, tamyz, qyrkúıek aılarynyń jalaqysyn da qolymyzǵa tutas ala almaı otyrmyz» deıdi pavlodarlyq ustazdar. Ókinishke qaraı, atyn atamaýdy ótingen muǵalimder kimnen kómek suraryn bilmeı otyrǵanyn da jasyrmaǵan.
Osy taqyrypqa baılanysty jazylǵan pikirlerde Túrkistan oblysyndaǵy birneshe mekteptiń ustazdary bir jalaqysyn úshke bólip alǵany aıtylady. Dál sondaı jaǵdaı Qaraǵandy, Jambyl oblystarynda da jalǵasyp jatyr eken. Bul qalaı?Álde koronavırýstyń qazaqstandyq kóleńkesimen «kúresemiz» dep bıýdjettiń búıiri tesildi me? Vırýstyń kóleńkesi dep beker aıtyp otyrǵanymyz joq. Eger sheneýnikter «umytyp» qalsa, eske salyp óteıik. Bıylǵy bıýdjettiń basym bóligi «kovıdpen kúreske» degen jeleýmen jelge ushyp jatqany ótirik emes. Al kovıdpen qalaı kúreskenimizge osy jyldyń shilde aıynda kózimiz anyq jetken. Mıllıardtaǵan aqsha bólingen bul kovıdińiz Qazaq dalasyna «arnaıy shaqyrtýmen» shilde aıynda kelip, jurt qarapaıym ǵana aspırın tappaı dárihana jaǵalap ketken edi. Muny muǵalimderdiń jalaqysy tikeleı bıýdjetten bólinetin qarajat bolǵandyqtan eske salyp otyrmyz. Bıýdjette aqsha joǵynan ustazdarymyzdyń jalaqysy jyrymdalyp jatsa, sol bıýdjettiń aqshasy naqty nege jumsalǵanyna bıliktegiler esep berýi kerek shyǵar, qalaı oılaısyz?
Elimizdegi árbir otbasynyń negizgi asyraýshysy bul kúnde dáriger men muǵalim ekeni shyndyq. Otbasylyq shyǵyndardyń eń kóp bóligin ustaz ben dárigerdiń jalaqysy jabatyny taǵy da aqıqat. Al sol ustazdardyń aılyǵy álgindeı úshke bólinip tólenip jatsa, ne bolǵany? Qazaqstannyń ózi ǵana emes, tutas halqy da qaryzǵa belshesinen batpaı ma, mynadaı jaǵdaıdan soń. Aı saıyn tóleıtin nesıesi, kommýnaldy shyǵyndary ustazdarǵa «jalaqyńdy bólip túsiripti, jaraıdy, sen de qaryzyńdy bólip qaıtar» dep jaǵdaı jasaı ma? Árıne, jasamaıdy. Eshbir bank nesıeni keshiktirip tólegen klıenttiń basynan sıpaı qoımaıdy.
Úkimet pen Bilim jáne ǵylym mınıstrligi elimizdegi ustazdardyń osynaý janaıqaıyna qulaq túredi dep senemiz. Qylyshyn súıretip qys kele jatyr. Otyny men sýyn qamdaıtyn ýaqytta ustazdarymyz jyrymdalǵan jalaqysynyń tıynyn sanap, qınala bastady. Bul problemany shuǵyl rettep, jaǵdaıdy ýshyqtyrmaǵan abzal. Óıtkeni muǵalimder bas kóterse, bılik kóp balaly analardyń narazylyǵyna zar bolyp qalary beseneden belgili.
Merýert HÝSAINOVA,
«Adyrna» ulttyq portaly.
Foto ashyq derekkózden alyndy.
