AES qūrylysy jastarǧa mol mümkındık beredı – Halyqtyq ştab

1091
Adyrna.kz Telegram
https://adyrna.kz/content/uploads/2024/09/img_8881.jpeg

AES saludy qoldau jönındegı Halyqtyq ştabtyŋ öŋırlerde halyqpen kezdesuı jalǧasuda. Bügın Şymkent qalasynda Ştab müşelerı atom elektr stansiiasynyŋ artyqşylyǧy turaly äŋgımelestı.

Kezdesu elımızdegı jetekşı tehnikalyq joǧary oqu oryndardyŋ bırı sanalatyn M.Äuezov atyndaǧy Oŋtüstık Qazaqstan universitetınıŋ studentterımen jüzdesuden bastaldy. Bılım ordasynyŋ şäkırtterı bırqatar tehnikalyq mamandyq boiynşa bılım alady, sondai-aq ǧylymi zertteuler jürgızıledı. Bolaşaq injenerler Atom elektr stansiiasy ideiasynyŋ eldı odan ärı damytu jäne öndırıs salasynda jaŋa multiplikativtı mümkındıkter jasau baǧytyndaǧy barlyq perspektivany jaqsy tüsınedı. Sondyqtan studentter, jas ǧalymdar, jastar ūiymdarynyŋ belsendılerı kezdesude AES salu ideiasyn tolyq qoldaityndaryn mälımdedı.

Mäjılıs Spikerı, «AMANAT» partiiasynyŋ Töraǧasy Erlan Qoşanov atom elektr stansiiasy ekonomikanyŋ, önerkäsıptıŋ, bılımnıŋ, ǧylymnyŋ damuyna tyŋ serpın beretın asa maŋyzdy joba ekenın erekşe atap öttı. AES türlı täuekeldıŋ aldyn alyp, elımızdı quatty energetikalyq bazasy bar progressivtı memleketterdıŋ qataryna qosady.

«AES salu – bır künnıŋ mäselesı emes. Jobany ıske asyru on jyldy, tıptı odan da köp uaqytty alady. Bärıŋız de ekonomikasy damyǧan, bolaşaǧy zor, quatty da täuelsız Qazaqstanda ömır sürgılerıŋız keletını sözsız.  Prezidentımız Qasym-Jomart Toqaevtyŋ da közdegenı – osy. Qazırgı qolǧa alynyp jatqan ıster, eŋ aldymen, sızder üşın jasalyp jatyr. Endeşe, batyl şeşım qabyldaityn uaqyt jettı. Al batyl şeşımdı qabyldaityn – jastar! Olai bolsa, aldaǧy referendumda AES saluǧa qoldau körsetıp, öz bolaşaqtaryŋyz üşın dūrys taŋdau jasaularyŋyz qajet», – dedı Erlan Qoşanov jastarǧa qarata aitqan sözınde.

Äŋgımelesu barysynda Halyqtyq ştab müşelerı AES qūrylysy jastarǧa mol mümkındık beretının atap öttı. Atap aitqanda, laiyqty jalaqysy bar onmyŋdaǧan jaŋa joǧary bılıktı jūmys orny qūrylady. Qazaqstandaǧy joǧary oqu oryndardyŋ tülekterı AES qūrylysyna qatysuǧa jäne otandyq atom industriiasynda qyzmet etuge qajet barlyq mümkındıkke ie. Bolaşaqta atom energetikasyn damytudyŋ tiıstı memlekettık baǧdarlamasy äzırlenıp, onda AES qajettılıgıne qarai arnaiy kadr daiarlauǧa erekşe köŋıl bölınedı.

Qala jastary atynan energetika jäne dästürlı emes energetikalyq jüieler kafedrasynyŋ PhD doktory Nūrsūltan Faiz, jas ǧalym İsabek Äzımhan, jastar ortalyǧynyŋ direktory Aqan Besbaev, Studenttık parlamenttıŋ töraǧasy Sabina Saǧyntai AES-ty qoldauǧa qatysty öz oi-pıkırlerın bıldırdı. Olar Qazaqstannyŋ progresten tys qala almaitynyn, sondyqtan bızge energiia berıp qana qoimai, otandyq ǧylym men tehnologiiany jaŋa deŋgeige köteretın, jastarǧa jaŋa mümkındıkter jasaityn atom elektr stansiiasy qajet ekenıne senım bıldırdı.

Būdan soŋ AES saludy qoldau jönındegı Halyqtyq ştab müşelerı ziialy qauym ökılderımen kezdestı. Is-şara barysynda Qazaqstandaǧy atom energetikasyn damytu perspektivalary jäne aldaǧy 6 qazanda ötetın jalpyhalyqtyq plebissitte AES-ty qoldap, dūrys şeşım qabyldaudyŋ maŋyzy talqylandy. Äŋgımelesu barysynda referendumǧa qatysu üşın tūrǧyndardy jūmyldyru qajet ekenıne erekşe nazar audaryldy. Halyqtyq ştab qoǧamda zor bedelge ie ziialy qauym ökılderınıŋ atsalysuy el Täuelsızdıgın odan ärı nyǧaitatyn AES-tyŋ maŋyzyn adamdarǧa dūrys jetkızuge mümkındık beretınıne senımdı.

Osy künı Ştab müşelerı «Tassai» industriialyq aimaǧyna baryp, käsıpkerlermen jäne eŋbek ūjymdarymen kezdestı. Olar AES salynǧan jaǧdaida eldıŋ ekonomikalyq jaǧdaiy qalai özgeretının aitty. Atap aitqanda, ūzaq uaqyt paidalanuǧa bolatyn mūndai stansiia käsıporyndar üşın asa maŋyzdy elektr energiianyŋ tūraqty jäne qoljetımdı tarifın qamtamasyz etedı. Būl qadam zauyttardyŋ, fabrikalardyŋ öndırıs şyǧynyn azaityp, öz tiımdılıgın arttyruǧa mümkındık beredı.

Sondai-aq, Ştab müşelerı käsıpkerlerge Qazaqstan 2060 jylǧa qarai kömırtektı beitaraptyq boiynşa mındetteme qabyldaǧanyn eske saldy. Iаǧni kömır tehnologiiasymen öndırıletın barlyq tauarǧa älemdık naryqta qosymşa salyq salynady. Elektr energiianyŋ 70%-yn kömır stansiialarynan alatyn Qazaqstan üşın būl aitarlyqtai kedergı boluy mümkın. Sondyqtan AES salu qazaqstandyq önımnıŋ halyqaralyq deŋgeidegı bäsekege qabıletın arttyruda strategiialyq maŋyzǧa ie.

Kezdesu soŋynda käsıpkerler men jūmysşylar aldaǧy referendumǧa belsendı qatysyp, AES-ty qoldauǧa daiyn ekenderın jetkızdı. Olardyŋ aituynşa, atom energetikasyn damytu Qazaqstannyŋ energetikalyq täuelsızdıgın qamtamasyz etıp qana qoimai, elımızde ozyq tehnologiialardy engızuge, şeteldık investisiialardy köbırek tartuǧa, öndırıstı ūlǧaituǧa jäne jaŋa jūmys oryndaryn aşuǧa mümkındık beredı.

Pıkırler