Bügın AES saludy qoldau jönındegı Halyqtyq ştab müşelerı atom energetikasynyŋ perspektivasy men memleket üşın paidasyn tūrǧyndarmen bırge talqylau üşın Jambyl oblysyna keldı.
Tarazda Halyqtyq ştab müşelerı öŋırdegıpedagogtar qauymymen kezdestı. Is-şaraǧa 350-den astam adam qatysty. Ştab müşelerı Memleket basşysy mūǧalımder men bılım beru salasyna airyqşa köŋıl böletının atap öttı. «Pedagog märtebesı turaly» zaŋ qabyldandy, mūǧalımderdıŋ jalaqysy men äleumettık qamsyzdandyryluy edäuır östı, bılım beru salasyndaǧy infraqūrylym mäselelerı jüielı türde şeşılude, el aumaǧynda «Jaily mektepter» salynuda. Sondyqtan ūstazdarqauymynyŋ bızdıŋ qoǧam üşın öte özektı AEStaqyryby turaly tolyq aqparat alyp, beibıt atomnyŋ barlyq artyqşylyǧyn tüsınuı, tolǧandyrǧan sūraq-saualdarǧa jauap aluy – asa maŋyzdy.
Mäjılıs Spikerı, «AMANAT» partiiasynyŋ Töraǧasy Erlan Qoşanov atap ötkendei, atom elektr stansiiasy – elımızge energetikalyq tūrǧydatäuelsızdık aluǧa mümkındık beretın bolaşaqtyŋjobasy. Sondyqtan, bolaşaǧy jarqyn, baquatty elge ainalǧymyz kelse, balamasy joq AES salu mümkındıgın ötkızıp almauymyz kerek.
«Referendumǧa deiın bır aiǧa jeter-jetpes uaqyt qaldy. Osy jerde oblystyŋ üzdık ūstazdary bas qosyp otyr. Sızderdıŋ bedelderıŋız biık, sözderıŋız ötımdı. Prezident reformalary men bastamalaryn ünemı qoldap kelesızder. El bolaşaǧyna qatysty taǧdyr şeştı sätte ärdaiym aldyŋǧy şepten tabylasyzdar. Osy joly da dūrys taŋdau jasau üşın tıze qosa jūmys ısteimız dep senemın. Barşaŋyzdy memlekettıŋ bolaşaǧy üşın, balalarymyzdyŋ keleşegı üşın AES salu jönındegı bastamany bırauyzdan qoldauǧa şaqyramyn!», – dedı ol pedagogterge qarata aitqan sözınde.
Sondai-aq, «AMANAT» partiiasynyŋ Töraǧasy juyrda Ükımet atom energetikasy salasynda kadr daiarlau jönınde salalyq baǧdarlama qabyldaitynyn aitty. Atap aitqanda, aldaǧy üş jylda «Bolaşaq» baǧdarlamasy boiynşa üzdık älemdık joǧary oqu oryndaryna däl osy salaǧa qatysty granttar berıledı, uran önerkäsıbı mamandary üşın taǧylymdama jäne qaita daiarlau baǧdarlamalary engızıledı. Būl qadam qūrylysjūmysy aiaqtalǧan kezde 3 myŋnan astam joǧary bılıktı maman daiarlauǧa mümkındık beredı. Sondyqtan mūǧalımder oquşylardyŋ naqty ǧylymdardy igeruge degen qyzyǧuşylyǧyn arttyryp, bolaşaq mamandyqtaryn taŋdauǧa atsalysuy maŋyzdy.
Būdan soŋ jinalǧan köpşılık aldynda Ştab müşelerı söz söiledı. Ūlttyq ǧylym akademiiasynyŋ prezidentı Aqylbek Kürışbaev älemdegı atom energetikasyn damytu trendterı, iadrolyq taqyrypqa qatysty qazaqstandyq ǧylymi äzırlemeler turaly aityp, elımız AES saluǧa daiyn ekenın atap öttı. Mäjılıs deputaty Mūqaş Eskendırov el ekonomikasyn odan ärı damytu üşın energetikalyq problemalardy barynşa tez şeşudıŋ maŋyzyna egjei-tegjeilı toqtaldy. Al Iаdrolyq fizika institutynyŋ direktory Saiabek Sahiev qazırgı zamanǧy üşınşı buyn iadrolyq reaktorlardyŋ qauıpsızdıgı, senımdılıgı, ekologiialyq tazalyǧy jäne tiımdılıgı turaly habardar ettı.
Halyqtyq ştab müşelerı jergılıktı temırjol qyzmetkerlerımen de kezdestı. Olar Memleket basşysy öz Joldauynda kölık-logistika salasyn damytuǧa erekşe nazar audarǧanyn eske saldy. Mäselen, temırjol salasyna keşendı reformalar qajet, jaŋa temır joldar salu, jaŋa poiyzdar, vagondar satyp alu, sifrlandyrudy engızu jäne basqa da mäselelerdı şeşu kerek.
Mäselen, temırjol jelısın elektrenergiiasymen qamtudyŋ tömen deŋgeiı bügındeötkızu qabıletı şekteulınıŋ bırden-bır sebebı bolypotyr. Būl – jolauşylar men jükterdı jetkızu jyldamdyǧyna da kerı äser etedı. Şu-Almaty uchaskesınde elektr energiia jiı üzıledı. Tranzittık äleuetı joǧary memleketımız üşın būl qomaqtypaidadan qaǧylu degen söz. Būǧan jol beruge bolmaidy. Jedel şeşımın tabu qajet. AESqūrylysy osy mäselelerdıŋ şeşımın tauyp,otandyq temır joldyŋ qoljetımdı tarifter boiynşa senımdı elektr energiiasyna degen qajettılıgın jabady.
Ştab müşelerı öŋır kün jäne jel elektr stansiialary boiynşa elde jetekşı orynǧa ie ekenıne qaramastan, olar tūraqty quat bere almaitynyn atap öttı. AES qauıpsızdıgı turaly aita otyryp, Parlament iadrolyq qauıpsızdık jäne qorşaǧan ortany qorǧau salasyna qatysty jeke zaŋ qabyldaityny erekşe atap ötıldı. Būl qūjat AES-ty jobalau, salu jäne paidalanudyŋ qataŋ qauıpsızdık standarttaryn qamtidy.
Osy künı AES saludy qoldau jönındegı Halyqtyq ştab müşelerı Merkı auylynyŋ tūrǧyndarymen – qarjylyq sauattylyqty arttyruǧa arnalǧan «Qaryzsyz qoǧam» jäne «Auyl amanaty» jobalarynyŋ qatysuşylarymen kezdestı. Is-şara «Agrosauat» oqu ortalyǧy alaŋynda öttı. Būl ortalyqta egınşılık, qūs jäne mal şaruaşylyǧy negızderı aqysyz oqytylady.
Osylaişa, atalǧan baǧdarlamalarǧa qatysuşy auyl tūrǧyndary biznes aşu, jylyjai salu, mal satyp alu jäne şarua qojalyǧyn damytu üşın jeŋıldıkpen berıletın nesie alady. Alaida, senımdı elektr energiia bolmasa, būl jobalar jüielı jüzege asa almaidy. Osyǧan bailanysty, auyl tūrǧyndary AES qūrylysyna qoldau bıldırıp, būl jobanyŋ eldegı agroönerkäsıptık keşendı odan ärı damytuda strategiialyq maŋyzy bar dep sanaidy.
Jalpy, Halyqtyq ştabtyŋ barlyq kezdesulerınde öŋır tūrǧyndary AES saluǧa joǧary qyzyǧuşylyq tanytyp, aldaǧy referendumǧa qatysuǧa daiyn ekenın jetkızdı.
