Memleket basşysy Paralimpiada jüldegerlerın jäne bapkerlerdı memlekettık nagradalarmen marapattau turaly Jarlyqqa qol qoidy, dep habarlaidy “Adyrna” ūlttyq portaly.
Qazaqstan Respublikasy Prezidentınıŋ Jarlyǧymen Parij qalasynda ötken XVII jazǧy Paralimpiada oiyndarynda joǧary jetıstıkterge jetken sportşylar men atletterdıŋ jattyqtyruşylary memlekettık nagradalarmen marapattaldy.
Atap aitqanda:
Altyn medal iegerlerı Degtiarev David Mamievich I därejelı «Barys» ordenımen, Nauatbek Aqmaral Maratqyzy III därejelı «Barys» ordenımen nagradtaldy.
Kümıs medalǧa qol jetkızgen Ǧabbasov Erkın Tıleuǧabylūly, Jūmaǧali Nūrdäulet Maqsūtūly jäne Şämei Erǧali «Parasat» ordenınıŋ kavalerlerı atandy.
«Qūrmet» ordenımen Paralimpiada oiyndarynyŋ qola jüldegerlerı Mūqaşbekov Dastan Mūratūly, Raifova Zarina Raifqyzy, Fedosova Daiana Vladimirovna jäne Şükırbekov Jūrqamyrza Baqytūly marapattaldy.
Ūlttyq qūrama bas bapkerlerı men sportşylardyŋ jeke jattyqtyruşylarynyŋ arasynan 5 azamatqa «Parasat» ordenı, 7 adamǧa «Qūrmet» ordenı berıldı.
Sonymen qatar ekı jattyqtyruşyQazaqstan Respublikasy Prezidentınıŋ Qūrmet gramotasymen nagradtaldy.Ūqsas jaŋalyqtar
