Biylǧy oqu jylynan bastap 3-synyp oquşylary üşın jaŋa baǧdarlama negızınde äzırlengen «Eŋbekke baulu» pänınen jaŋa oqulyq ūsynyldy. Būl turaly «Atamūra» baspasy aitty, dep habarlaidy «Adyrna» tılşısı.
Atalǧan oqulyqtyŋ negızınde oquşylar «Eŋbekke baulu» kursy boiynşa teoriialyq bılım alyp qana qoimai, kündelıktı ömırde jiı qoldanylatyn tūrmystyq zat ülgılerın qoldan jasaudy üirenedı.
Mysaly, oqulyqtyŋ «Sändık-qoldanbaly öner» taqyryby boiynşa oquşylar qazaqtyŋ ūlttyq oiu-örnekterınıŋ tarihymen, onyŋ türlerımen, erekşelıkterımen tanysady. Sabaqta alǧan bılımderın paidalana otyryp, oquşylar öz qoldarymen qazaqy oiulardy oiyp, qorjyn, kılemşe jasaudy üirenedı.
Sabaq barysynda oquşylar atalǧan zattardy jasauǧa qandai qūraldar qajet ekendıgın anyqtap, tūrmystyq zattardyŋ qandai materialdardan tūratynyn (kiız, barqyt, bylǧary, mata) oqyp, üirenedı. Ärı osy materialdardyŋ türımen tanysady.
Oqulyqtaǧy ülgılerge säikes, balalar matany bükteidı, qiiady, oǧan keste salyp, inemen jūmys ısteuge maşyqtanady. Keiın jasaǧan sömke, qorjyndaryna «Müiız», «Qoşqarmüiız», «Gül», «Örkeş» siiaqty ūlttyq oiulardy salady. Ony monşaq pen zer siiaqty äşekeilermen bezendıredı. Oquşylar matany nemese qaǧazdy qiiu, jabystyru barysynda qoldary, sausaqtary ikemdı bola tüsedı. Eŋbekke qabıletı artyp, şydamdy, tyŋǧylyqty boluǧa, qajet närsenı özı jasap aluǧa jäne ainalasyn taza ūstauǧa daǧdylanady. Zatty sändeitın boiaulardy taŋdau, oiulardy däl qajet tūsyna ornalastyru arqyly oquşylardyŋ qiialy damidy, suretkerlık talǧamy men türlı tüsterdı sezınu qabıletı artady.
Eŋbekke beiımdılıktı arttyrumen qatar, oquşylar ūlttyq qūndylyqtarǧa – halqymyzdyŋ mädenietıne qūrmetpen qarauǧa daǧdylanady. Sonymen bırge, şyǧarmaşylyq tapsyrmalardy oryndau barysynda qazaq halqynyŋ tarihy men mädenietımen tanysa otyryp, qadırleudı üirenedı.
Bırlese otyryp oiuly zattardy jasau kezınde balalar jūp jäne top bolyp jūmys ısteuge üirenedı. Bır-bırımen pıkır almasady. Jasaǧan zattaryn otbasyna, dostaryna tartu etıp, sabaq barysynda alǧan äserlerı men bılımderımen bölısedı.
Oqulyqta:
qosymşa materialdardy qoljetımdı etetın jäne oquşylardyŋ oqu materialyn igeruge mümkındık beretın QR-kodtar ornalasqan;
sabaq aiasyn keŋeituge mümkındık beretın jäne kılemşe men qorjyn siiaqty būiymdardy jasaudyŋ şyǧarmaşylyq barysyn körsetetın elektrondy nūsqasy qosa berılıp otyr, ol beinerolikter körsetu, audio jazbalardy tyŋdatu, türlı interaktivtı tapsyrmalardy oryndatu arqyly oqytudy jan-jaqty qyzyqty ötkızuge septıgın tigızedı.
«Būl oqulyq – oqu qūraly ǧana emes, balalardyŋ alǧan bılımın kündelıktı ömırde öz qoldarymen daiyndap, paidalana aluda kömekşı qūral bolary sözsız»,—deidı baspa qyzmetkerlerı.
