Parlament Senatynyŋ Töraǧasy Mäulen Äşımbaev bastaǧan Atom elektr stansasyn saludy qoldau jönındegı Halyqtyq ştabtyŋ müşelerı bügın Almaty oblysyna keldı. Ştab qūramynda deputattar, sarapşylar jäne qoǧam qairatkerlerı bar. Olar öŋırde käsıporyn ūjymdarymen, käsıpkerlermen jäne jergılıktı jūrtşylyqpen kezdesıp, Qazaqstanda AES saluǧa qatysty referendum ötkızu mäselelerın talqylady.
Mäulen Äşımbaev oblys jūrtşylyǧymen kezdesude Memleket basşysynyŋ AES salu mäselesıne qatysty jalpyūlttyq referendum ötkızu turaly bastamasynyŋ maŋyzyna nazar audardy.
«Bügın bız Prezidentımız Qasym-Jomart Kemelūly Toqaevtyŋ AES salu mäselesı boiynşa jalpyūlttyq referendum ötkızu turaly bastamasyn talqylau üşın arnaiy kelıp tūrmyz. Mūndai maŋyzdy mäselenı dauysqa salu «Halyq ünıne qūlaq asatyn memleket» tūjyrymdamasynyŋ jarqyn körınısı ekenı sözsız. Atom elektr stansasyn salu – elımızdıŋ odan ärı damuy üşın maŋyzdy mäsele. Būl rette är azamattyŋ dausy ülken mänge ie. Sondyqtan bız eldıŋ bolaşaǧy üşın dūrys şeşım qabyldauymyz kerek», – dedı Mäulen Äşımbaev.
Sondai-aq Ştab müşelerı Ş.Şokin atyndaǧy Qapşaǧai GES-ınıŋ qyzmetımen tanysyp, stansa mamandarymen jäne basşylyǧymen kezdestı. Onda eldıŋ energetikalyq sektoryn damytu perspektivalary talqylanyp, otandyq käsıporyndardy energiiamen tūraqty qamtamasyz etu jäne energetikalyq täuelsızdıktı nyǧaitu mäselelerıne basa män berıldı.
«Qazırgı taŋda eldegı barlyq elektr energiiasynyŋ basym bölıgın kömır elektr stansalary beredı. Osyndai jaǧdaida bızge senımdı jäne qauıpsız energiia közı qajet. Atom energetikasy osy mäselenı oŋ şeşuge mümkındık beredı. Öitkenı ol tūraqty, ekologiialyq taza jäne Qazaqstandy ondaǧan jyldar boiy energiiamen qamtamasyz ete alady. Sondai-aq özımızdıŋ atom elektr stansamyzdy salu elımızdıŋ körşı memleketterden elektr energiiasyn importtaudy aitarlyqtai qysqartuǧa yqpal etedı. Būl Qazaqstannyŋ tolyq energetikalyq täuelsızdıkke qol jetkızuı üşın airyqşa maŋyzǧa ie jäne öte özektı», – dedı Mäulen Äşımbaev.
Sonymen qatar Ştab müşelerı «DAMU» industriialyq-logistikalyq aimaǧynda şaǧyn jäne orta biznes ökılderımen kezdestı, sondai-aq, «GREEN Land ALATAU» jylyjaiyna bardy.
Daiyndaǧan: «Nur Media».
Tapsyrys beruşı: Ospanov M.J. «AMANAT» partiiasy» QB qarajatynan tölendı
