Jasymyz bar, jasamysymyz bar, siyr, siyr dep sairaǧaly bırneşe künnıŋ jüzı boldy. 30 jyl el basqarǧan abyz aqsaqaldyŋ aqylyn kelemejdeu kımge kerek? Bala bauyr etıŋ, ony asyrap baǧu, ösırıp jetıldıru otaǧasynyŋ tıkelei mındetı dep bılemın! Jaqsylyq jasaimyz dep memleket är balaǧa 21 myŋ teŋgeden berıp jatyr. Ony kım qalai baǧalauda? Mäselen, tanys-tamyrymyz alty balany asyrasa da, 21 myŋ teŋge belgılengen künnen bastap äielıne bız osy künge deiın osy tiyn-tebensız ömır sürdık, otbasyn baǧu menıŋ mındetım. Aqşany är ai saiyn almai jinaiyq, ol aqşany joq dep sanaiyq dep kelısedı. Künı keşe jiylǧan qarjyǧa jer alǧanyn aityp quanuda. Endı taǧy üi saluǧa ärekettenemız dep berık şeşım qabyldap otyr. Qalai quanbaisyŋ? Al, bır körşım bar on balanyŋ äkesı,(246 000) , äielı 11-balaǧa aiaǧy auyr. 21 myŋ teŋgege deiın tırşılık ıstep eŋbektenetın. Qazır ony da ūmytqan. Tıptı ötkende estısem tūtynǧan elektr energiiasyna tölemei kelıptı. Köp balaly äkemın dep. Al, ne deisızder? Osy masyldyqty körgen balalary kım bolady? Baiaǧyda auylda jaǧdaiy qanşa tömen bolsada, tıkelei aparyp kömek körsetseŋ arlanyp «bızde bärı bar, äure bolmaŋyzdar» dep otyruşy edı. Qazır adamnan ar kettı me? Siyr äŋgımesınen şyǧady. Kezınde odaq taraǧanda 16 balanyŋ ata-anasy, kolhoz qyzmetkerıne jaiylymdyq jer men on qoi beredı. Basqalary 100-150 qoidan, 15-20 siyrdan alyp jatqan kez. Sol maldaryn "jiguli" men "moskvichke" aiyrbastap uaqytşa qyzyq körıp jatqan qatarlastary. Al, aǧamyz ben tätemız on qoidy alǧa salyp taudan bergen jaiylymdyq jerge jol tartqan. Al, qazır 4 myŋdai qoi, üş tabyn siyr, 6 üiır jylqy. Mıne, eŋbek! Tyrnaq qimyldatqan adamǧa tırşılık bar! Keltıre bersek mysal köp. Eŋbekteneiık, erınbei.
Baqtiiar MYRZAHANŪLY
"Adyrna" ūlttyq portaly
