Sondaı-aq úkimet basshysynyń orynbasary Nursultan Nazarbaevtyń maqtaýyn qalaı qabyldaǵanyn aıtty
Jaqynda ǵana úkimet basshysynyń orynbasary bolyp taǵaıyndalǵan Berdibek Saparbaev halyq pen BAQ-qa ashyq bolýǵa ýáde berdi, dep habarlaıdy Sputnik Qazaqstan tilshisi.
Saparbaev tuńǵysh prezıdent Nursultan Nazarbaevtyń maqtaýyn qalaı qabyldaǵanyn aıtty
"Árıne, kez kelgen adamǵa unaıdy. Ári qaraı budan da jaqsy jumys isteýge jigerlendiredi", - dedi Saparbaev úkimet úıinde ótken baspasóz máslıhatynan keıin.
Ol vıe-premer qyzmetinde de halyq pen BAQ-qa ashyq bolatynyn aıtty.
"Jańa qyzmetime kiriskenime úsh-aq kún boldy, biraq búgin sizdermen kezdesip otyrmyn. Bul meniń ashyqtyǵymnyń alǵashqy dáleli. Men únemi ashyq boldym, solaı qala beremin, BAQ ókilderimen de kezdesip turamyn", - dep ýáde berdi úkimet basshysynyń orynbasary.
Aıta ketsek, Nur Otan partııasy saıası keńesiniń otyrysynda Nursultan Nazarbaev ákimderdi halyqqa jaqyn bolýǵa shaqyryp, olarǵa Berdibek Saparbaevty úlgi etken edi. Elbasy ár jyldary tórt oblysty basqarǵan Saparbaevty úkimettegi jańa qyzmetimen quttyqtady.
Berdibek Saparbaev osy jyldyń aqpan aıynda eńbek jáne halyqty áleýmettik qorǵaý mınıstri bolyp taǵaıyndalǵan edi. Saparbaev vedomstvo tizginin elde kópbalaly analardyń narazylyǵy kúsheıgen tusta qolǵa aldy. Buǵan deıin Aqtóbe oblysyn basqardy.
20 tamyzda Qazaqstan prezıdenti Saparbaevty úkimet basshysynyń orynbasary qyzmetine taǵaıyndady.
"Adyrna" ulttyq portaly
