Alaş arystarynyŋ joqşysy Ǧarifolla Änes ömırden ozdy

Tılşı-ǧalym, alaştanuşy, publisist  Ǧarifolla Änes ömırden ozdy, dep habarlaidy “Adyrna” ūlttyq portaly. Būl turaly Baǧdat Sūltanqyzy Facebook jelısındegı jazbasynda estırttı. “Orny tolmas qaza, qazaq jūrty!.. Sene alar emespın. Ökınıştı! Ǧalym, alaştanuşy, publisist, baspager, qazaq ūltynyŋ Arysy Ǧarifolla Änes ömırden ozdy. Otbasyna, jaqyn tuystaryna, qazaq halqyna qaiǧyryp köŋıl aitamyz. Ǧalymnyŋ jany jännattyŋ Firdaus törınde şalqysyn. Ǧarifolla Änes aǧanyŋ jaqsylyǧy ǧasyrlar boiy qazaq halqynyŋ tarihynda jasaidy... Aǧanyŋ älı ūlty üşın atqaratyn ūşan - teŋız jospary bar edı. Ätteŋ. Qairan, Aǧam-au!” dep jazdy Baǧdat Sūltanqyzy. Ǧarifolla Qabdolqaiyrūly 1957 jyly Qūrmanǧazy audany Balqūdyq auylynda tuǧan. ŪǦA-nyŋ A. Baitūrsynūly atyndaǧy Tıl bılımı institutynyŋ jetekşı ǧylymi qyzmetkerı. Saiasi quǧyn-sürgın qūrbandary muzeiınıŋ (Jaŋalyq auylyndaǧy) meŋgeruşısı. 1992 jyldan «Repressiiaǧa ūşyraǧan Qazaqstan ziialylarynyŋ mūrasyn zertteitın «Arys» qorynyŋ jäne «Arys» baspasynyŋ qūryltaişy-prezidentı. 2013 jyldan «Qazaqstan tarihi-aǧartu «Ädılet» qoǧamynyŋ» töraǧalyǧyn qosa atqarady. Halyqaralyq «Qazaq tılı» qoǧamynyŋ vise-prezidentı, «Ana tılı» gazetınıŋ qoǧamdyq negızdegı keŋesşısı. «Qūrmet» «Parasat» ordenderıŋ iegerı. Bırneşe merekelık medaldarmen ma­ra­pattalǧan. Baspa jäne poligrafiia ısınıŋ qairatkerı (kuälık №47). Atyrau oblysy Qūrmanǧazy audanynyŋ Qūrmettı azamaty (2007). Batys Qazaqstan oblysy Jaŋaqala audanynyŋ Qūrmettı azamaty (2016). Halel Dosmūhamedūly atyndaǧy Atyrau memlekettık universitetınıŋ Qūrmettı pro­fessory. Qorqyt Ata atyndaǧy Qyzylorda memlekettık universitetınıŋ Qūrmettı professory jäne Qorqyt Ata Altyn medalınıŋ iegerı (2015). Halyqaralyq Aitmatov akademiiasynyŋ akademigı. Alaş arystarynyŋ mūrasyn tabu, zertteu jäne jariialau ısıne öz ülesın tūraqty qosyp keledı. A. Baitūrsynūly, Q. Jūbanov jäne H. Dosmūhambetūly eŋbekterın qūrastyryp, alǧysöz-soŋǧysözderın jazyp, bırneşe ret jaryqqa şyǧardy. «Alaş. Alaşorda» ensiklopediiasyn ja­ryqqa şyǧardy (2009), 7 tom «Qazaq» ga­­ze­tı (1913 – 1918) men 7 tom «Aiqap» jurnal­darynyŋ (1911–1915) tolyq korpusyn jasap «Saryarqa» (1917–1919) gazetın tauyp, jinastyryp, HH ǧasyr basynda jaryqqa şyqqan köptegen jurnaldardy arab qarpınen qazırgı jazu ülgısıne köşırıp, ondaǧan tom basylymdar daiyndady. Bügıngı taŋda 100 tomnan tūratyn «Alaş – 100» megajobasy jüzege asyryluda. Zaŋǧar jazuşy Ä. Kekılbaiūlynyŋ ömırı men şy­ǧar­maşylyǧyna ar­nalǧan «Alpysynşyjyldyqtar» atty üş tomdyq ensiklopediiasyn jaryqqa şyǧardy.