Sätbaev qalasynda balabaqşa buhgalterı özınıŋ qyzmet babyn paidalana otyryp, asa ırı kölemde özıne senıp tapsyrylǧan biudjet qarajatyn ūrlaǧan. Būl turaly bügın, 23 qyrküiekte Joǧarǧy sottyŋ baspasöz qyzmetı aitty, dep habarlaidy «Adyrna» tılşısı.
Ol 2021-2023 jyldary jalaqysyna koeffisientın jasandy türde arttyryp, banktegı şotyna jalpy somasy 15 millionnan astam teŋge audarǧan. Sottaluşy būl qylmysqa qaryzyn öteu maqsatynda barǧanyn tüsındırdı.
Äieldıŋ kınäsı onyŋ moiyndauymen, kuänıŋ aiǧaqtarymen, saraptama qorytyndylarymen, tölem qūjattarymen, sotta zerttelgen tergeu jäne jasyryn tergeu äreketterınıŋ hattamalarymen rastaldy.
«Şynaiy ökınuı, keltırılgen ziiandy tolyq öteuı jäne asyrauynda üş kämeletke tolmaǧan balanyŋ boluy jauapkerşılıktı jeŋıldetetın män-jailar dep tanyldy.
Sottaluşy Qylmystyq kodekstıŋ 189-babynyŋ 4-bölıgınıŋ 2) tarmaǧymen kınälı dep tanylyp, 7 jylǧa bas bostandyǧynan jäne 10 jylǧa memlekettık jäne kommersiialyq ūiymdarda tauarlyq-materialdyq qūndylyqtarǧa bilık etumen bailanysty lauazymdardy atqaru qūqyǧynan aiyryldy. Qylmystyq kodekstıŋ 63-babyna süiene otyryp, probasiialyq baqylau belgılenıp, taǧaiyndalǧan jaza şartty dep esepteledı»,—delıngen habarlamada.
