23-27 qyrküiek aralyǧynda elımızdıŋ barlyq mektebınde balalardyŋ qauıpsızdıgıne arnalǧan ata-analar jinalysy ötedı, dep habarlaidy «Adyrna» tılşısı.
Oqu-aǧartu ministrlıgınıŋ mälımetınşe, einalysta ata-analardyŋ bala ömırındegı, sondai-aq onlain keŋıstıktegı qauıpsızdıgıne qatysty jauapkerşılıgı turaly söz qozǧalady.
«Bala qauıpsızdıgı ata-ana, pedagog, ärbır eresek adam üşın basymdyqqa ie boluy tiıs. Balamen aşyq dialog qūru, onyŋ ömırıne ūdaiy qatysyp otyru, sifrlyq qūrylǧylardy baqylau jäne balamen qauıpsızdık taqyrybynda äŋgımelesu - būl problemalardyŋ aldyn aluǧa kömektesetın negızgı qadamdar. Ata-analardyŋ mındetı tek balanyŋ jürıs-tūrysyn baqylap qana qoimai, sonymen qatar öz balasymen ony ärqaşan tyŋdauǧa jäne kömektesuge daiyn ekenın bıldıretın senımdı qarym-qatynas qalyptastyru. Bala bızdıŋ bolaşaǧymyz, olardyŋ salamattylyǧyn saqtau tıkelei bızge bailanysty», - dep atap öttı Balalardyŋ qūqyqtaryn qorǧau komitetınıŋ töraǧasy Nasymjan Ospanova.
Esterıŋızge sala keteiık, biylǧy oqu jylynan bastap bılım beru ūiymdarynda apta saiyn synyp saǧattary aiasynda «Qauıpsızdık sabaqtary» ötude.
