Parlament Senatynyŋ Töraǧasy Mäulen Äşımbaev bastaǧan AES saludy qoldau jönındegı halyq ştabynyŋ müşelerı Abai oblysyna keldı. Auylşaruaşylyq önımderın öndıruşılermen, bılım beru salasynyŋ mamandarymen jäne kommunaldyq qyzmetter salasyndaǧy eŋbek ūjymdarymen kezdesken olar ekologiialyq jäne ekonomikalyq problemalardy şeşu jolynda AES saludyŋ maŋyzyna toqtaldy.
Mäulen Äşımbaev öz sözınde qazırgı taŋda klimattyŋ özgeruıne jäne ekologiianyŋ naşarlauyna bailanysty bükıl älem türlı syn-qatermen betpe-bet kelıp otyrǧanyna nazar audardy. Sondai-aq ol uaqyt ötken saiyn elektr energiiasynyŋ tapşylyǧy artyp otyrǧanyn tılge tiek ettı. Bügınde elımızdegı energiia öndırısınıŋ negızgı kölemı, iaǧni 70 paiyzdan astamy kömır elektr stansalaryna täueldı. Ştab müşelerı «Prirechnoe agrofirmasy» JŞS-nyŋ bazasynda oblystaǧy auylşaruaşylyq önımderın öndıruşılermen, «Eikos» JŞS-nyŋ käsıpkerlerımen jäne qyzmetkerlerımen, sondai-aq, kommunaldyq sektor käsıporyndarynyŋ ūjymdarymen kezdesulerde atalǧan mäselelerdı talqylady.
«Memleket basşysy Qasym-Jomart Kemelūly Toqaevtyŋ bastamasymen 6 qazanda Qazaqstanda AES salu mäselesıne qatysty respublikalyq referendum ötedı. Atom elektr stansasy – kömırqyşqyl gazynyŋ şyǧaryndylaryn jäne kömırge täueldılıktı azaitudyŋ eŋ tiımdı joldarynyŋ bırı. AES-tıŋ kömır stansalarynan aiyrmaşylyǧy zor. Atalǧan sala qorşaǧan ortany uly gazdarmen, külmen nemese qūramynda mūnai önımderı bar ziiandy qaldyqtarmen lastamaidy. Būl – atom energiiasy tabiǧatqa ziian keltırmeitın, ekonomikamyzdyŋ damuyna tyŋ serpın beretın taza jäne tūraqty energiia közımen qamtamasyz etedı degen söz», – dedı Palata Spikerı.
Bılım beru salasynyŋ qyzmetkerlerımen kezdesude Mäulen Äşımbaev AES salu mäselesıne keşendı közqaras qajet ekenın aitty.
«AES-tıŋ qauıpsızdık mäselesı köpşılıktı alaŋdatyp otyrǧanyn bılemız. Mūndai alaŋdauşylyqqa ötken ǧasyrda bolǧan iadrolyq synaqtar men apattar sebep ekenı anyq. Osy rette qazırgı atom stansalary senımdı, eŋ ozyq jäne tekserılgen tehnologiialar arqyly salynyp jatqanyn erekşe atap ötkım keledı. Būl oraida äŋgıme III jäne III+ buyndar turaly söz bolyp otyr. Eger halyq referendumǧa şyǧarylǧan mäselenı qoldasa, elımızde atom elektr stansasy eŋ joǧary älemdık standarttarǧa sai salynyp, jabdyqtalady. Atalǧan ıste adamdardyŋ qauıpsızdıgı negızgı basymdyq bolatyny sözsız», – dep, Senat Spikerı azamattardy el igılıgı üşın referendumǧa belsendı qatysuǧa şaqyrdy.
Halyqtyq ştabtyŋ baspasöz qyzmetı
Surettı tüsırgen Äli Ǧalym
Daiyndaǧan: «Nur Media» JŞS.
Tapsyrys beruşı: M. J. Ospanov
«AMANAT" partiiasy» QB qarajaty esebınen tölendı
