Bügın Şymkenttegı Dostyq üiınde qalalyq QHA janyndaǧy Analar keŋesınıŋ ūiytqy boluymen «Ysyrapşyldyq – qoǧamnyŋ däiektı damuyna kedergı» taqyrybynda öŋırlık forum öttı.
Qoǧamdaǧy ünemşıldık mädenietın qalyptastyru, tabiǧi resurstardy tiımdı paidalanu jäne ruhani qūndylyqtardy nyǧaitu jaiy talqylanǧan forumǧa Almaty, Şymkent qalalary jäne Almaty, Qyzylorda, Jambyl, Türkıstan oblystaryndaǧy Analar keŋesınıŋ töraiymdary, ziialy qauym men etnomädeni bırlestıkterdıŋ, qoǧamdyq qūrylymdardyŋ ökılderı qatysty.
Plenarlyq otyrysty Şymkent qalasy QHA janyndaǧy Analar keŋesınıŋ töraiymy G.Sügırbaeva jürgızdı. Şymkent qalasy ışkı saiasat basqarmasy basşysynyŋ orynbasary, qalalyq QHA hatşylyǧynyŋ meŋgeruşısı A.Ämzeeva forumdy aşyp, bügıngı basqosudyŋ maŋyzdylyǧyn atap öttı.
– Ysyrapşyldyqty arqau etken jiynda aitylatyn mazmūndy oi-pıkırler men baisaldy bastamalardy ılıp äketıp, odan ärı nasihattauǧa ardaqty analar airyqşa atsalysady degen oidamyz. Qoǧam bolyp jūmylsaq, öskeleŋ ūrpaqty äleumettık keselderden saqtandyryp, otbasylyq qūndylyqtardy därıpteu jolynda ılkımdı ıs tyndyruǧa bolady dep senemız.
Analar keŋesterınıŋ salauatty, sanaly qoǧam qalyptastyru jäne adal azamat tärbieleu jolyndaǧy jūmystaryna tabys tıleimın, – dedı basqarma basşysynyŋ orynbasary.
Forumda «Energiiany ünemdeu: tūraqty bolaşaqqa aparar jol» taqyrybynda M.Äuezov atyndaǧy OQZU-dyŋ kafedra meŋgeruşısı G.Tūrymbetova, «Ysyrypşyldyqtyŋ aldyn alu: Atadan – ösiet, anadan – qasiet» taqyrybynda Jambyl oblysy QHA janyndaǧy Analar keŋesınıŋ töraiymy E.Myrza-Ǧali, «Oŋtüstık ölkedegı su tapşylyǧynyŋ mäselelerı» taqyrybynda M.Äuezov atyndaǧy OQZU-dyŋ dosentı P.Sūltanbekova, «Ysyrapşyldyqqa qarsy mädeniet qalyptastyru» taqyrybynda Türkıstan oblysy QHA janyndaǧy Analar keŋesınıŋ töraiymy G.Toqqūlova, «Ruhani tärbie jäne ünemşıl ömır salty» taqyrybynda Şymkent qalasy ortalyq meşıtı bas imamynyŋ orynbasary, dıntanuşy İ.İmanqūlūly, «Jidelı» eldı mekenı – ışımdıksız auyl» taqyrybynda Şymkent qalasy äkımı janyndaǧy äielder ısterı jäne otbasylyq-demografiialyq saiasat jönındegı komissiia müşesı O.Täjıbaeva, «Ünemşıldık – tūraqty damudyŋ negızı» taqyrybynda Şymkent qalasy QHA janyndaǧy ǦST jetekşısı, Ö.Jänıbekov atyndaǧy OQPU-dyŋ departament direktory Q.Anarbaev jäne t.b. azamattar söz söilep, ysyrapşyldyqtyŋ aldyn alu jaiynda ūsynystaryn aitty.
Belsendı qoǧamdyq qyzmetımen daralanǧan analarǧa Qazaqstan halqy Assambleiasy men respublikalyq Analar keŋesınıŋ Alǧys haty tabystaldy.
Plenarlyq otyrystyŋ qorytyndysymen forumǧa qatysuşylar qoǧamdy ünemşıldıkke, jauapty tūtynuǧa jäne ruhani qūndylyqtardy saqtauǧa şaqyryp, ündeu qabyldady.
Aita keteiık, forum aiasynda elımızdıŋ oŋtüstık öŋırındegı Analar keŋesterınıŋ töraiymdary men müşelerı Şymkent qalasyndaǧy «İbrahim ata» jäne «Qaraşaş ana» kesenelerınde bolyp, «Arofat» mektebınde ötetın ıs-şaraǧa qatysady. Jas buynǧa sapaly qosymşa bılım beru baǧytynda nätijelı jūmys ıstep kele jatqan №2 Oquşylar saraiyn aralap, «Shymkent Creative Hub» ortalyǧynda şyǧarmaşylyq jobalarmen jäne M.Äuezov atyndaǧy Oŋtüstık Qazaqstan zertteu universitetındegı «Ǧylymi zerthana» keşenınıŋ tabysty qyzmetımen tanysady.
