Astanada videosy äleumettık jelıde tarap ketken Ūlttyq ūlannyŋ būrynǧy sarbazyn soqqyǧa jyqqan ekı küdıktı ūstaldy, - dep habarlaidy “Adyrna” ūlttyq portaly QR IIM baspasöz qyzmetıne sılteme jasap.
«Qylmystyq ıske qatysty jedel-ızdestıru şaralarynyŋ arqasynda Ūlttyq ūlannyŋ būrynǧy äskeri qyzmetşısın ūryp-soǧuǧa qatysy bar barlyq küdıktılerdıŋ ornalasqan jerı anyqtaldy. Astanada 24 saǧat ışınde ekı küdıktı – denege tıkelei zaqym keltırgen jäbırlenuşınıŋ būrynǧy ärıptesterı tūrǧylyqty jerı boiynşa jedel türde ūstaldy. Ekeuı de uaqytşa ūstau izoliatoryna qamaldy», - delıngen vedomstvo habarlamasynda.
Tergeu aiasynda barlyq qatysy bar adamdardan jauap alyndy. Olardyŋ äreketıne, sonyŋ ışınde videony tüsırgen adamǧa da qūqyqtyq baǧa berıledı. Tergeu şaralary jalǧasuda, dep habarlady baspasöz qyzmetı.
Būǧan deiın äleumettık jelıde kamufliaj kigen jıgıttı poiyz vagondarynyŋ ötkelınde belgısız bıreulerdıŋ ūryp jatqan videosy taraǧan bolatyn. Işkı ıster ministrlıgıne qarasty Ūlttyq ūlan kameraǧa tüsıp qalǧan arnaiy formanyŋ osy basqarmaǧa tiesılı ekenın rastaǧan edı.
Işkı ıster ministrlıgı oqiǧa 2023 jyldyŋ küzınde, boryşyn ötep, zapasqa jıberılgen sarbazdardyŋ üilerıne qaityp bara jatqan kezde bolǧanyn habarlady.
Qazaqstan prezidentı Qasym-Jomart Toqaev Işkı ıster ministrı Erjan Sädenovke şabuyl jasaǧandardy jauapqa tartu üşın şūǧyl şaralar qabyldaudy tapsyrǧan bolatyn.
Ūqsas jaŋalyqtar
