Qorǧanys ministrlıgı jyl basynan berı Qaruly Küşterde äskeri qyzmetkerlerdıŋ qaza tabuyna bailanysty mälımdeme jasady, dep habarlaidy «Adyrna» tılşısı.
Ministrlık basşylyǧy qaza bolǧandardyŋ otbasylaryna, tuǧan-tuystaryna jäne jaqyndaryna köŋıl aitty. Olar bolǧan jaǧdaidyŋ barynşa auyr ekenın jäne äskeri qyzmet qauıpsızdıgın qamtamasyz etu üşın jauapkerşılıktı tereŋ tüsınetınderın jetkızdı. Qorǧanys ministrı Däuren Qosanovtyŋ tapsyrmasy boiynşa mūndai qaiǧyly oqiǧalardyŋ aldyn aluǧa baǧyttalǧan şūǧyl şaralar keşenı qabyldanǧan.
«Bırınşı. Tärbie jūmysynyŋ ūiymdastyryluy men äskeri tärtıptı baqylau küşeitıldı. Qaru-jaraqty paidalanu, sabaqtar ötkızu, atys jattyǧulary men tapsyrmalardy oryndau kezınde jarǧylyq talaptar men qauıpsızdık şaralaryn saqtau talaptary qataŋdatyldy.
Ekınşı. Äskeri bölımderge Qaruly Küşterdıŋ jeke qūramyn keşendı psihologiialyq tekseruden ötkızu üşın komissiialar jıberıldı. Äskeri qyzmetşılerdıŋ psihikalyq jai-küiıne, sondai-aq qyzmettık mındetterdı oryndauǧa psihologiialyq daiyndyq deŋgeiıne qaita baǧalau jürgızılude.
Üşınşı. Komandirler men serjanttyq qūramnyŋ jeke jauapkerşılıgı arttyryldy. Negızgı nazar oqys oqiǧalardyŋ aldyn aluǧa jäne qauıpsız mınez-qūlyq daǧdylaryn qalyptastyruǧa baǧyttaldy.
Törtınşı. Äskeri polisiia küşterımen äskeri bölımderde jan-jaqty tekseruler ūiymdastyryldy. Jeke qūramǧa baqylau, beinebaqylau, onyŋ ışınde qyzmetten tys uaqytta da, küşeitıldı.
Besınşı. Täulık boiy baqylau engızılıp, qūqyq būzuşylyqtar men oqiǧalardyŋ aldyn aluǧa baǧyttalǧan qosymşa profilaktikalyq şaralar qabyldandy.
Altynşy. Äskeri qyzmetşılerdıŋ tuystarymen tūraqty beinebailanysy qamtamasyz etıldı. Sonymen qatar bölımşe komandirlerı ata-analarmen resmi bailanys arnalary arqyly tūraqty türde bailanysta»,-delıngen habarlamada.
Sondai-aq ministrlık barlyq oqiǧalar boiynşa naqty kadrlyq jäne tärtıptık şeşımder qabyldanǧanyn mälımdedı. Atap aitsaq, «Şyǧys» öŋırlık qolbasşylyǧynyŋ qolbasşysy, ştab bastyǧy jäne qolbasşynyŋ tärbie jäne ideologiialyq jūmys jönındegı orynbasary tärtıptık jauapkerşılıkke tartylǧan. Äskeri qyzmetker qaza tapqan äskeri bölımnıŋ komandirı, onyŋ orynbasary, sondai-aq batalon komandirı atqaryp otyrǧan lauazymdarynan bosatylǧan.
«Qabyldanyp jatqan barlyq şaralar eŋ aldymen jeke qūramnyŋ ömırı men densaulyǧyn saqtauǧa jäne mūndai qaiǧyly jaǧdailardyŋ qaitalanuyna jol bermeuge baǧyttalǧan. Būl baǧyttaǧy jūmys tūraqty negızde jalǧasyn tabady»,-delıngen habarlamada.
