Qazaqstanǧa būrşaq pen būryş bürkenışımen 200 myŋ qorap temekı äkelmek bolǧandar anyqtaldy

Qazaqstanǧa būrşaq jäne būryş degen jalǧan atpen 200 myŋ qorap temekı äkelmek bolǧandar anyqtaldy, dep habarlaidy "Adyrna" ūlttyq portaly QR Qarjy ministrlıgı Memlekettık kırıster komitetınıŋ baspasöz qyzmetıne sıltep. «Qarasu baqylau-ötkızu beketınde jük qūjattaryna säikes bolgar būryşy tasymaldanady delıngen toŋazytqyştan temekı tabyldy. Tekseru barysynda deklarasiialanbaǧan 180 myŋnan astam qorap Oris, Parlament, Zumerret temekılerı tabyldy. «Aişa bibı» baqylau-ötkızu beketınde jük tasymaldau qūjattaryna säikes būrşaq tasityn jük kölıgınen deklarasiialanbaǧan 15 myŋ qorap Oris temekısı tabyldy», - delıngen habarlamada. Zaŋsyz jöneltılımderdı 2024 jyldyŋ 26 ​​qyrküiegınde memlekettık kırıster men şekara qyzmetınıŋ qyzmetkerlerı ūstaǧany habarlandy. Mälımetterge säikes, barlyq temekı būiymdarynda aksizdeletın önımderge arnalǧan säikestendıru qūraldary joq.