Üşınşı qūryltaidan qoǧamǧa ekı taqyryp tudy. Gerb pen nasybai. Bır-bırınen tym alşaq ekenın aitpaǧanda, qazaq qoǧamyn alaŋdatatyn mäselelerden de alys jatyr.
Gerb, talai jyl ony Eltaŋba dep te jazyp jürdık, jaiyndaǧy pıkırımızdı keler jolǧa qaldyryp, däl qazır nasybai turaly oi qozǧaiyq.
Atamyz Oljai nasybai atty. Ol kısını būl üşın eşkım, äsırese kommunister quǧyndamady. Otanyn qorǧap Ekınşı jahandyq soǧysta Kursk iınınde Guderiannyŋ tankılerınıŋ sauytyn zeŋbırekpen talqandap qaitty. Sol soǧysta qolyn qaldyrdy. Jalǧyz qolmen memlekettıŋ malyn baqty. Ol kısı bes uaqyt oqityn namazy men kündelıktı bır şaqşa nasybaiyn erlıgı jäne eŋbegı arqyly ötep alǧany anyq.
Älgı nasybaidy bız - nemerelerı daiyndap beretınbız. Qiyndyǧy joq. Arnaiy aǧaş saptyaiaq pen aǧaş şoqpar bar. Aldymen taudan qylşa degen būtanyŋ būtaqtaryn bäkımen qiyp köleŋkege keptırıp qoiamyz. Atamyz eşqaşan tamyrymen jūlǧyzbaityn. Kepken qylşany jaǧyp, külıne qattalyp tūrǧan temekı japyraǧy men qalampyrdyŋ bürınıŋ jartysyn qosamyz. Osyny saptyaiaqqa salyp, aǧaş şoqparmen asyqpai ügıtemız. Bır qasyq būlaq suyn qosyp taǧy aralastyramyz. Nasybai daiyn, atamyzdyŋ müiız şaqşasyna salyp beremız.
Osy nasybaidy atqan bızdıŋ auyldyŋ şaldary 80 jastan asa ömır sürgende bıreuınıŋ auyzy, erını rak degen pälenı bılgen joq. Ökpelerı de taza boldy. Temekı - ökpe ragyna sebepker bolsa, ekologiialyq taza nasybaidan auyrǧan qart bolmaityn.
Demek, qazır nasybaiǧa tyiym salǧannan eş paida joq. Zaŋ qudalaityn esırtkını jeŋe almai kelemız, endeşe būl da solai özınıŋ qara bazary arqyly saudalana bermek.
Nasybaiǧa neǧūrlym tyiym salynǧan saiyn onyŋ kümändı jolmen jasalyp, satyluy öse bermek. Būdan halyqtyŋ densaulyǧyna da, memlekettıŋ biudjetıne de paida joq.
Odan da himiialyq qospasyz ekologiialyq taza şöpterdı qosyp jasaityn nasybaidyŋ standarty bekıtıluı kerek. Sol standartpen önım şyǧaruǧa rūqsat etu kerek. Ony kämeletke tolǧandarǧa sata beru kerek.
Endı gigienaǧa keleiık. Kezınde Qaraǧandyda bır aǧamyz nasybai atu üşın filtrlı qymbat sigarettı qosa alyp jüretın. Nasybaidy temekınıŋ filtr, iaǧni süzgısıne orap alyp, ernıne salatyn.
Demek, älgı satylatyn nasybaiǧa sonşama filtr bırge berıletın bolsyn. Jäne būlarǧa auzy jelımdele qalatyn şaǧyn paket qosylsyn. Ol tūtynylǧan nasybaidy salyp qoiuǧa arnalady. Boldy. Eşkım nasybaidy körıngen jerge tükıre salmaidy. Şaǧyn paketı tolǧanda qoqys salǧyşqa salady.
Būl qazır şeteldıkter qolyndaǧy temekı öndırısıne balama bolady. Saladaǧy monopoliia joiylady. Qoldan jasalǧan, densaulyqqa öte qauıptı nasybai öz-özınen sūrausyz qalady.
Osyny oilau men ıske asyrudyŋ ne qiyndyǧy bar deiık. Toqaevqa bızden bır sälem bolsyn.
Özımız nasybai atpadyq. Bıraq nasybai atqan şalǧa nemere, nasybai atqan Aqseleu aǧaǧa ını, nasybai atqan bır qauym azamattarǧa qatarlas boldyq.
Qainar Oljai
Ūqsas jaŋalyqtar
