Atyrauda er adam köpırden sekırıp kettı, - dep habarlaidy “Adyrna” tılşısı.
Atyrau oblysy Tötenşe jaǧdailar departamentınıŋ baspasöz qyzmetı habarlaǧandai, 28 qyrküiek künı saǧat 08:28-de Atyrau qalasy Jilgorodok audanynda belgısız bıreu jaiau jürgınşılerge arnalǧan köpırden suǧa sekırgenı turaly habarlama kelıp tüsken.
Mūny bırınşı bolyp jaǧalauda kele jatqan äiel baiqady. Ol dereu qūtqaru qyzmetıne habarlasqan.
«Şaqyru ornyna jedel jetken qūtqaruşylar belgısız er adamdy sudan şyǧaryp, alǧaşqy medisinalyq kömek körsetıp, esın jidy», - dep habarlady TJD.
Kuägerlerdıŋ aituynşa, er adam öz-özıne qol jūmsamaq nietpen suǧa sekırgen. Qazır er adam jedel järdem qyzmetkerlerıne tapsyryldy.
Qazaqstanda soŋǧy ekı aptada suisidtıŋ on oqiǧasy tırkeldı, onyŋ jeteuı Almatyda. 12 jäne 13 jastaǧy qyzdar, 17 jastaǧy jasöspırım, jergılıktı universitet studentı jäne 3-kurs kursanty qaitys boldy.
Ūqsas jaŋalyqtar
