Astanada bötennıŋ mülkıne ziian keltırgen būzaqylar jauapqa tartyldy, - dep habarlaidy “Adyrna” ūlttyq portaly Astana äkımdıgınıŋ resmi saityna sılteme jasap.
Olardyŋ bırı 34 jastaǧy äiel bolǧan.
«22 qyrküiek künı keşkı saǧat jetıler şamasynda ol Jansügırov köşesındegı üidıŋ terezesın syndyryp, öz äreketımen 36 145 teŋge kölemınde şyǧyn keltırgen. Osyǧan ūqsas jaǧdai Mūhamedhanov 12 köşesı mekenjaiynda bolǧan. Onda 39 jastaǧy er adam kıreberıstegı päterlerdı qasaqana büldırgen», - dep habarlady äkımdıkten.
Ekı tärtıp būzuşy da äkımşılık jauapkerşılıkke tartylyp, aiyppūl arqalady.
«Vandalizmdı toqtatu» aksiiasy aiasynda Astanada kündız-tünı reidter jürgızılıp, tūrǧyndar arasynda qoǧamdyq tärtıptı saqtau men qala menşıgıne qamqorlyq jasaudyŋ maŋyzdylyǧy turaly tüsındıru jūmystary jürgızılude.
Aksiianyŋ maqsaty – elordada kez kelgen būzaqylyq körınısterın toqtatu jäne tazalyq pen tärtıptı saqtau. Aksiiaǧa erıktıler, belsendıler, tanymal sportşylar, qoǧam qairatkerlerı jäne qala tūrǧyndary qatysty.
Jyl basynan berı sot bötennıŋ mülkıne qasaqana ziian keltırgen, qoǧamdyq aumaqtardy lastaǧan, ǧimarattar men tūrǧyn üilerge zaqym keltırgen 250 adamdy jazalaǧan. Olardyŋ barlyǧy jauapqa tartyldy.
Būzaqylyqtyŋ aldyn alu jūmystary qalalyq prokuraturamen jäne ışkı ıster bölımımen kelıse otyryp jürgızılude.
Ūqsas jaŋalyqtar
