Memleket basşysy Qasym-Jomart Toqaev qazaqstandyqtardyŋ jäne jeke özınıŋ atynan Si Szinpin men qytai halqyn QHR-dyŋ qūrylǧanyna 75 jyl toluymen qūttyqtady. Būl turaly Aqorda jariialady, dep habarlaidy “Adyrna” ūlttyq portaly.
Prezident qūttyqtau jedelhatynda el bırlıgı men tūtastyǧynyŋ bıregei nyşany sanalatyn būl künnıŋ orny erekşe ekenıne toqtaldy. Sonymen qatar Qytaidy älemdegı köşbasşy, ärı jahandyq ornyqty damuǧa, halyqaralyq tūraqtylyq pen qauıpsızdıktı qamtamasyz etuge zor üles qosyp otyrǧan quatty memleket retınde atap öttı.
Sondai-aq, ol Qazaqstan men Qytai arasyndaǧy san qyrly yntymaqtastyq strategiialyq serıktestık ruhynda qarqyndy damyp kele jatqanyna nazar audardy. Ekı eldıŋ myzǧymas dostyq pen tatu körşılıkke negızdelgen bailanysy qos halyqtyŋ igılıgı jolynda ūdaiy nyǧaia beretınıne senım bıldırdı.
Qasym-Jomart Toqaev Si Szinpinnıŋ asa jauapty qyzmetıne tolaiym tabys, al dostas qytai halqyna baq-bereke tıledı.
