9000 qazaqstandyq "Otau" men "Nauryz" baǧdarlamalarynyŋ qatysuşysy atanǧany turaly köpten kütken aqjoltai jaŋalyq estıdı.
Ötınış beruşıler men tūrǧyn üi baǧdarlamasyna qatysuşylardyŋ tolyq tızımı Otbasy bankınıŋ ("Bäiterek" holdingınıŋ enşıles ūiymy) resmi saitynda jariialanǧan - https://hcsbk.kz/ru/to-get-a-loan/otau/ jäne https://hcsbk.kz/ru/to-get-a-loan/nauryz/.
Barlyǧy 25 623 ötınım öŋdeldı.
Baǧdarlamaǧa qatysuşylardyŋ basym bölıgı Almaty (2 699) jäne Astana (2 020) qalalarynan. Sondai-aq köşbasşylar qatarynda Şymkent q. (781), Batys Qazaqstan (462) jäne Aqtöbe oblystary (401) bar.
"Otau" jäne "Nauryz" baǧdarlamalary boiynşa tızımge engen 9000 adamnyŋ 1 818 – baspana kezegınde tūrǧan halyqtyŋ äleumettık osal toptarynyŋ ökılderı.
"Otau" jäne "Nauryz" baǧdarlamalaryna qatysuşylardyŋ köpşılıgı – 35 jasqa deiıngı qazaqstandyqtar. Būl 5 457 adam. Endı olardyŋ ärqaisysy qoljetımdı şarttar boiynşa öz üilerın satyp ala alady. Jas azamattar üşın būl ülken kömek. Öitkenı, öz şaŋyraqtarynyŋ boluy olarǧa erteŋgı künge degen senımdılık, qarjylyq tūraqtylyq pen täuelsızdık beredı. Baspanaly bolǧan jas qazaqstandyqtarǧa bolaşaqty josparlau, otbasyn qūru jäne mansabyn damytu oŋaiyraq.
Eŋ jas qatysuşy – Şymkent qalasynyŋ tūrǧyny Ermek Jarqynbek. Ol 25-qyrküiek 18 jasqa tolǧan künı ötınış berıp, qatysuşylar tızıme ötken.
"Otau" jäne "Nauryz" baǧdarlamalarynyŋ şarttary boiynşa jeŋıldetılgen zaemdardy 63 jastan aspaityn qazaqstandyqtar ala alady. Qaraǧandylyq Zäure Orazbekovanyŋ aiy oŋynan tuyp, ol 64 jasqa toluyna bır ai ǧana uaqyt qalǧanda ötınım berıp, qatysuşylardyŋ qosymşa tızımıne sättı enıp ülgergen.
Qosymşa tızımge qatysuşylardyŋ 48,8% - tūrǧyn üi satyp alu üşın respublikalyq maŋyzy bar qalalardy, 31,6% - oblystyq maŋyzy bar qalalardy, 17,5% - audandardy jäne 2,1% - monoqalalardy taŋdaǧan.
3 - 18 qazan aralyǧynda (qosa alǧanda) baǧdarlamalarǧa qatysuşylar nesielık ötınım berıp ülgerulerı qajet. Ony Otbasy bank bölımşelerınde, onlain banktıŋ resmi saity (https://hcsbk.kz) nemese Baspana market portalynda (https://otbasybank.kz/) beine-qoŋyrau şalu arqyly, sondai-aq 7 qazannan bastap keŋesşılerdıŋ kömegımen jasauǧa bolady.
Eger qosymşa tızımge qatysuşy zaem boiynşa maqūldau alsa, onda oǧan tezdetıp, 29-qaraşaǧa deiın (qosa alǧanda) baspana tauyp, ony satyp alu kerektıgıne nazar audaramyz.
Ūpailar qalai esepteledı?
- salym boiynşa syiaqy mölşerı - ärbır 1 000 teŋge üşın 1 ūpai;
- tırkelgen nekenıŋ boluy - 5 ūpai;
- balalardyŋ boluy - 10 ūpai (balalar sanyna qaramastan);
- halyqtyŋ äleumettık osal toptary (HÄOT) märtebesınıŋ boluy - 10 ūpai;
- 35 jasqa deiıngı jas (qosa alǧanda) – 5 ūpai.
"Otau" jäne "Nauryz" baǧdarlamalarynyŋ şarttary:
- alǧaşqy jarna - 20%-dan bastap;
- tūrǧyn üi kezegınde tūrǧan azamattardyŋ äleumettık osal sanattary üşın kredit boiynşa mölşerleme - 7% (JTSM 7,3%-dan 8,9% deiın);
- azamattardyŋ barlyq sanattary üşın kredit boiynşa mölşerleme - 9% (JTSM 9,3%-dan 11,8% deiın);
- nesie merzımı - 19 jylǧa deiın.
